Dizionari de Lenghe Furlane

meti in sest    [CO]

1. loc.v. disponi i elements di alc in mût che a sedin in ordin, nets, in buinis cundizions:  Milie dut il dì e jere stade in gjambe, cence padin par preparâ il gustâ dal doman, par meti in sest la cjase, dal cjast ae cantine, par passâ i mobii, un par un, che cumò a lusivin come spiei (Pieri Menis, Si disarès che e je inventade)
   Sin. meti in ordin , meti a puest , meti in fîl , sistemâ , comedâ , regolâ
   
   1. intervignî te struture di alc, di mût che al torni a jessi intat o a funzionâ:  al si jere ancje procurât un libron plen di figuris, cun ducj i stîi di mobilie di doi trê secui indaûr. Al puartave i tocs te buteghe dal vecjo marangon, ju meteve in sest e ur dave di lustrifin (Carlo Sgorlon, Prime di sere)
   2. fâ che cdn. al stedi ben di salût:  a tornarin a metilu in sest in cuindis dîs. Par bogns cuatri al jere stât a lît a lît par murî. A salvâlu, plui che lis curis, a forin la sô etât ancjemò zovine e il corbam che al veve fuart (Amedeo Giacomini, Tal ospedâl)
   3. fâ che alc al ledi ben:  une ete dulà che chi, ancje in Friûl, al dominave il ream dai Ostrogôts, chei che, dopo de colade dal imperi roman, a vevin tornade a meti in sest avonde ben lis robis (Francesc Placerean, La vite no je cuintriposizion di valôrs ma armonie di realtâts complementârs)
   4. fâ jessi in bon ecuilibri finanziari:  dopo cualchi an che o tignivi lis redinis dal comun, paiâts une vore di debits e metude in sest la casse, o vevi pensât di fâ lis scuelis gnovis a Pantianins (Pieri Somede dai Marcs, Lis scuelis e la nêf); chest pas nol sarà avonde par meti in sest lis financis une volte par dutis, ma i darà la conferme al consei di aministrazion che al covente slargjâ lis ativitâts produtivis de cooperative (Max Mauro, Un Friûl difarent: i 90 mhz di Onde Furlane)

Components:

• meti v.tr.
• sest adi.num., pron.num., s.m.