sistemâ
sis|te|mâ
[AF]
-
v.tr.
dâ un ciert ordin, meti intun ciert ordin:
sistemâ i documents par ordin alfabetic
Sin. disponi
, ordenâ
-
v.tr.
meti in ordin:
la mame mi sistemave la plete e mi tignive sù cul cjaveçâl daûr de cope (Alan Brusini, Il zardin)
Sin. cuinçâ
, justâ
, ordenâ
, regolâ
-
v.tr.
meti intun ciert puest o intune cierte posizion:
e cjapà sù lis casselis une a la volte e lis sistemave rabiose su la sbarele (Meni Ucel, Piarçui)
-
v.tr.
fâ che alc al sedi o al funzioni te maniere juste:
si intindeve ancje di camarins e di cantinis cuant che un camarin nol conservave ben il salam lu clamavin lui a sistemâ i barconuts a tramontan e a buere e a regolâ i aiars (Riedo Pup, I furlans e il mestri);
Lissandri al veve pensât di fâ doi lavôrs cuntun viaç e di lâ, di chê strade, ancje a cjatâ Stiefin, par contâi lis ultimis gnovis, e par domandâi di vignî a viodi il "cjasalat" e di preparâ un progjetut par sistemâlu (Franca Mainardis, Il sium di Lissandri)
Sin. justâ
, comedâ
, meti a puest
-
v.tr.
meti in regule:
dopo cualchi zornade soi lât in citât par viodi di sistemâ la mê posizion di militâr e par cirî lavôr (Pieri Somede dai Marcs, L'ombrenâr)
Sin. definî
, disberdeâ
, disbratâ
, discrosâ
, distrigâ
, justâ
, rangjâ
, risolvi
-
cjatâ une soluzion:
devant de resistence di Rotgaut e dai furlans i francs a àn miôr di lassâ chest obietîf cuiet e di sistemâ prime altris cuistions (Sandri Carrozzo, L'indipendentist langobart)
-
v.tr.
meti cdn. intune cundizion favorevule a nivel di cjase, di famee, di posizion sociâl, di lavôr, di bêçs e v.i.:
e veve tirât il cordon dal campanel de cjase des muiniis di Sant Valantin, e ur veve consegnât un bilietut. A jerin stadis lôr, lis muiniis, a sistemâle cemût che a vevin podût: par intant tal busigatul de cort (Gianni Gregoricchio, Lilie);
nol è stât fat cuasi nuie di positîf e di stabil par sistemâ cheste int, in maniere che e puedi vivi cence seguitâ a cirî la caritât (Josef Marchet, Cuant si risolvaraie Rome a sistemâ i Julians?)
Cfr. colocâ
-
v.tr.
(coloc.)
tratâ cdn. cemût che al merete, soredut cun severitât:
«Cumò clamìn il Sindic e i carabinîrs e ti sistemin come che si conven» (Milio dai cjans, Une invenzion di mierde)
Sin. rangjâ
, justâ
, regolâ