disberdeâ
dis|ber|de|â
[AF]
-
v.tr.
disfâ un berdei o liberâ ce che al è stratignût:
disbredeâ la lane ;
injenfra i claps, ta la tô spluma blancja, / ti disbredei una frascja / verda di âl (Riccardo Castellani, Scjarsò biel riù)
Sin. disgropâ
, discateâ
, discrosâ
, disfâ
, disgrignâ
, disgringhiâ
, dispetolâ
, distrigâ
, disbroiâ
, disleâ
, dismolâ
, distorteâ
, disgredeâ
Var. disbredeâ
-
v.tr.
(fig.)
risolvi une situazion complicade:
la regjon, come che e sarà imbastide in Italie no disberdee nuie, no comede nuie, no zove nuie (Josef Marchet, Lôr no molin e nô no molìn);
nol podeve fâ di mancul di fermâsi a pensâ, par cirî di disberdeâ une buine volte chel intric che simpri plui no i lassave pâs (Pieri Menis, Sul agâr)
Sin. disbratâ
, disgredeâ
, distrigâ
, disgropâ
, discrosâ
, disbroiâ
-
v.tr.
(fig.)
sfrancjâ, diliberâ:
disberdeâ fûr dal so andament dialetâl il lengaç furlan (Josef Marchet, La fuarce dal nestri lengaç);
veit dûl di une biadace e disberdeaitmi di chest cjastic (Renzo Balzan, Vitis in Cjargne e misteris tal cûr)
Sin. liberâ
, diliberâ
, sfrancjâ