disbratâ
dis|bra|tâ
[AF]
-
v.tr.
liberâ o disvuedâ alc:
in cusine la taule e je ancjemò di disbratâ e sul seglâr si ingrumin i plats (Gianni Gregoricchio, Storie di Ide)
Sin. liberâ
, diliberâ
, disparecjâ ipon.
, disvuedâ
, svuedâ
, sbratâ
-
v.tr.
puartâ indevant e finî un lavôr o une ativitât, soredut a la svelte:
in dute buride i lavôrs de canoniche a forin disbratâts (Pieri Menis, Il fiâr dal plevan);
mi àn dit di spietâ culì, che il miedi al à alc di disbratâ e subit al rive (Giuliana Pellegrini, Gotis);
dopo cene disbratavin / ducj insieme il sant Rosari (Zaneto, Il fogolâr)
Sin. distrigâ
, sbratâ
, parâ fûr
, tirâ vie
-
(ass.)
fâ i lavôrs di cjase:
Andree al cjaminave bessôl, des voltis, parcè che jê e veve di restâ a disbratâ in cjase (Agnul di Spere, La pueme cu la vôs biele)
-
v.intr.
fâ svelt:
tal ultin [dai esams] a disbratavin e si podeve scapolâle cuntune sole domande induvinade, o ruvinâsi cun chê sole domande no induvinade. (Antoni Beline, La fabriche dai predis)
Sin. spesseâ
, distrigâ
, bailâ
, movisi
, çugnâsi
, distrigâsi
-
v.tr.
frontâ une cuistion cjatant une soluzion:
la vitime si è decidude a segnalâur il so câs ai carabinîrs di Dimpeç che, in pôc timp, a àn rivât a disbratâ il câs (Redazion il Diari, Estorsion artesanâl)
Sin. sbratâ
, distrigâ
, comedâ
, justâ
, disberdeâ
, disgredeâ
, disgropâ
, disimberdeâ
, dispetolâ