disvuedâ
dis|vue|dâ
[AF]
-
v.tr.
fâ deventâ vueit, gjavâ il contignût o la part didentri:
le zirave [la coce] par ca e par là… Sot de lûs de lampade al cjatà il profîl "just" e… Zac!: prime operazion, disvuedâle de polpe! (Christian Romanin, Taiant la coce)
Sin. sgjavâ
, svuedâ
Var. disvueidâ
, disvuitâ
-
liberâ un spazi dai elements che al à dentri:
al jere partît cul so pick-up plen di grabatui; i vevin dât 20 Euro par disvuedâ chê cantine (Checo Tam, TRAGEDIA SUL TORRE:PENSIONATO SCHIACCIATO DAL SUO PICK-UP)
-
gjavâ alc, ancje cence il permès o cu la fuarce:
una volta par setimana passava pa la Magnissa un cjar che lu clamavin brancâl [...], i ladrons, plui di una volta, gji vevin dât l'assalt e lu vevin disvuedât (Ranieri Mario Cossâr, Il luminut da la Madona)
-
gjavâ un contignût o element astrat, un significât, une idee e v.i.:
ce che al è piês al è che cheste propueste di leç e disvuede la stesse nozion costituzionâl di minorance linguistiche (Adrian Cescje, Memoriis di politiche linguistiche)
-
v.tr.
riferît a tacis, butiliis e v.i., fâlis deventâ vueidis bevint il contignût:
i proferissin une tace che lui al va disvuedant ben planchin (Meni Ucel, Ufiertis);
Pieri al rispuindè che al veve bisugne di cuinçâsi il stomi […] al disvuedà la tace e al tornà a jemplâle indaûr (Amedeo Giacomini, Tal ospedâl)
Sin. scolâ
, bevi
Polirematichis e espressions idiomatichis
Proverbis:
- la canicule se e cjate vueits i agârs ju implene, se ju cjate plens ju disvuede
- no si varès mai di disvuedâ il sac