scolâ
sco|lâ
[AF]
-
v.tr.
bevi dut ce che al è intun recipient, massime se alcolic:
svelt a si met une altre tace e le scole di un flât (Pieri Somede dai Marcs, Ursule);
al ingrampà la sô tace e le scolà tune glotude butant il cjâf indaûr (Dino Virgili, La aghe da pît la cleve)
Sin. bevaçâ
, bevi jù
, fulminâ
, suiâ
, parâ jù
, sfulminâ
, secjâ
, svuedâ
, disvuedâ
-
(fig., ancje ass.)
bevi in cuantitât:
su la mê steme si podarès scrivi: une vore e bon. Jo o scoli butiliis di Rosacis e di Faedis (Riedo Pup, Beâts i viei);
i predessons a scolavin come gornis e a pocavin jù come purcits dute robe di sostance (Antoni Beline, Pre Pitin)
-
(fig.)
spindi bêçs par bevi alcolics:
i carantans che al à vuadagnâts cun chê cjative azion, ju à scolâts là di Baduscli (Josef Marchet, Lis predicjis dal muini)
-
v.tr.
fâ cori vie licuits:
odôrs di bisat e di seglârs che no scolin (Maria Forte, La tiere di Lansing)
-
v.tr.
fâ che alc, soredut alc di mangjâ cuet ta la aghe o tal brût, al resti a sut, tirantlu sù dal licuit o fasint che il licuit al cori vie:
une altre sere le ai cumbinade gruesse, dopo che e veve fat dute la zornade i macarons, cuant che a jerin cuets i ai dit "Lasse che o ribalti jo la pignate par scolâju " (Mario Beltramini, Jo e Graziella);
bulî lis patatis in aghe a pene salade, scolâlis e passâlis intun tamês (Erika Adami, Tortei di patatis cun miluçs, formadi salât di Denemonç e semencis di cevole)
-
v.intr.
viôt scolâsi