suiâ
su|iâ
[AF]
-
v.tr.
fâ deventâ sut alc eliminant la umiditât:
cjapât tal braç so pari lu puartave sù te cjamare, i suiave i sudôrs che a chel om i spissulavin su la muse come une roie. Ma nol jere plui nie ce fâ: i murive tal braç, cence cjapâ cognossince (Alan Brusini, Par stradis lungjis);
ogni soldât al cjol il so fusîl in man, lu neta e suia de la rosada (Antoni Brumat, Compendi di ducj i contegnos pal soldât comun tant in guarnigjon, come in cjamp devant il nemì, cul zurament e i articui di vuera)
-
fâ svaporâ o fâ cori vie la aghe di un bacin:
al jere partît par Litorie, a suiâ palûts (Meni Ucel, Ideis)
-
v.tr.
(fig.)
bevi il licuit che al è tun recipient:
al cjapà cui dincj il tapon dal fiasc, lu spudà vie e jù dôs clucadis che al suià mieç fiasc (Dino Virgili, Il cjaradôr des animis);
al jere bon il ramandul, o vin suiade la butilie (Laurin Zuan Nardin, Il cop)
Sin. svuedâ
, disvuedâ
, scolâ
, disgotâ
, secjâ
-
v.tr.
(fig.)
gjavâ dal dut o in cuantitât masse grande fuarcis, bêçs, risorsis e v.i.:
i siôrs a cognossevin Vignesie, che e jere simpri stade la capitâl di Gjoldarie, la citât internazionâl dal Bontimp, indulà che un zovin al suiave in trê dîs di baracade i sudôrs e i sparagns di trê gjenerazions di nonos pedoglôs (Josef Marchet, La torce de civiltât);
o vevin vût une vore di spesis che nus vevin suiât ogni nestri sparagn (Meni Ucel, Culumiis);
al leve inalgò cun siorutis che a fasevin il mistîr e i suiavin il tacuin e la medole dai vues (Alan Brusini, Come tai romançs)
Sin. disprivâ
, dispueâ
, netâ
, suiâ sù
, mangjâ
, fâ fûr
, spaçâ
-
v.tr.
(fig.)
fâ deventâ magri:
dal sigûr Ane e jere deventade plui biele, scuasi che alc al fos madressût dentri di jê, suiantle inte cjar, ma cul donâi la plenece di femine (Gianni Gregoricchio, Îr e doman);
Titon al veve un pôc dal pescjecrots, par chel gust di stâ ta la aghe e pes gjambis lungjis che lu fasevin someâ plui alt. I agns lu vevin suiât (Maria Forte, Chê massanghe plui grande)
Sin. discjarnâ
, scarmî
, smagrî
-
v.tr.
contentâ o bonâ cuntune soluzion svelte:
al passe cumò o dibot il Werk Meister, a vuardiâ e viodi se e je cualchi sgnesule di ranganel di molâ ca e là, ma Vera e sta ce che e po ae largje di lui o se e scuen lu suie cuntun "heil Hitler" mastiât intai dincj (Ivano Urli, Storie di Vera)
Sin. sistemâ
Cfr. rangjâle
, rangjâ
, suiâle
, gjavâse
, suiâse
, comedâle
, justâle
Polirematichis e espressions idiomatichis
Proverbis:
- cui che al à bagnât al è ancje bon di suiâ
- di sabide soreli benedet par suiâi la cjamese al puaret
- il mâl de piere al suie la borse
- la aghe no suie
- lavâ cuant che al plûf e suiâ cuant che al è soreli
- une ore di bon soreli e suie plui di une lissie