disgotâ
dis|go|tâ
[CO]
-
v.tr.
fâ che alc al pierdi licuit chel al ven jù a gotis:
un mos di bire lu beveve tun flât e po cu la man al disgotave lis moschetis (Pieri Menis, Lis leiendis di Buie)
-
[CO, TS]
gastr.
separâ dal licuit un ingredient o un aliment che al è stât bulît o che in ogni câs al è tun licuit:
sbrovâ lis verduris par doi minûts, disgotâlis, striçâlis e dopo taiuçâlis (Giorgio Pascoli, Il Litum: jerbis salvadiis te cusine)
-
v.tr.
lassâ colâ jù gotis:
la ombrene sbusade che i disgotave la aghe drete sul cjâf (Raffaele Serafini, Soreli jevât a mont)
-
(fig.)
fâ vignî jù o fâ sucedi o fâ passâ alc che si pues comparâ cun gotis di aghe, in maniere ritmade, ripetude:
la cjampane grande de Plêf e disgotave jù dal ferâl dal tor i bots lancurôs da la ore di gnot (Dino Virgili, La aghe da pît la cleve);
e jo o jeri li come simpri a disgotâ lis oris, plet denant dal ordenadôr (Stiefin Morat, Kebar krossè)
-
v.tr.
disvuedâ un recipient cuntun licuit, soredut bevint fin la ultime gote:
e lui, Gjovanin, ce altri vevial di fâ, se no cjalâju, menâ il cjâf e disgotâ la tace (Raffaele Serafini, Drink)
Sin. svuedâ
, disvuedâ
, scolâ
, suiâ
, secjâ
-
v.intr.
pierdi licuit gote a gote:
il formai al era bel fat cu li peti punudi da banda a disgotâ ta la stansia (Novella Cantarutti, La aga di Plan da li steli);
«Prendo anche questa», o dîs cjolint une taçute di cafè che e jere a disgotâ (Igor Londero, Delit in vie del Lavoro)
-
v.intr.
vignî jù a gotis o vignî jù fin ae ultime gote:
il purcit une volte al vignive copât cul curtìs: si lasse disgotâ il sanc e si lu cjape intun seglot par fâ le mule (Elisabetta Brunello Zanitti, Il purcitâr)
Sin. disgotâsi
-
(fig.)
ancje di alc altri che si pues comparâ cun gotis di aghe, vignî jù o sucedi in maniere ritmade, ripetude o discontinue:
la guera a ve timp da finî e i agn da disgotâ un sora l'atri denant che i mi intivàs inmò tal uminin dai stecs (Novella Cantarutti, L'uminin dai stecs)
