Dizionari de Lenghe Furlane

svuedâ  svue|dâ  [FO]

1. v.tr. lassâ cence contignût:  lui, svuedade di gnûf la valîs, al si sierà in cjamare (Pieri Somede dai Marcs, Ta la ombrene de canoniche); la pompe Sprengel, al è clâr, no rivave a svuedâ dal dut il volum dentri dal veri (Lorenzo Marcolini, La invenzion dal vueit inte lampadine di Turo Malignani. Storie, gnovis ipotesis e atualitât)
   Sin. netâ , scjariâ , scludi , disvuedâ
   Var. vuedâ , vueidâ
   
   1. fâ restâ cence int:  la canicule e à svuedade la citât (Sandri Di Suald, Ah! la provincie)
   2. (fig.) fâ restâ cence alc di astrat o imateriâl:  Vignesie invadint la Patrie dal Friûl le à svuedade dai siei podês, pûr lassantle impins tes formis (Sandri Carrozzo, La colonie); chê femine e steve svuedantmi di ogni gno desideri (Alan Brusini, Gian Paolo Linda, I forescj)
2. v.tr. lassâ cence il contignût par vie che si lu mangje, si lu bêf, si lu dopre:  "Po ben, tu farâs tu di mangjâ… ma no sâstu che vin svuedât dut il camarin?" (Pieri Somede dai Marcs, La buteghe dal barbîr); al svuedà la sô tace, al paià, saludà ducj e al jessè da la ostarie (Tarcisio Venuti, La cjase di Toni); tra jê e so missêr a svuedavin un veri daûr chel altri (Pieri Menis, La gjate); "Benedets de Madone, cetantis voltis - i dîs - aio di svuedâ il tacuin?" (Pieri Somede dai Marcs, Gnot clare gnot scure)
   
   1. lassâ cence alc che al ven puartât vie:  Ghine e à viodût a svuedâ la cjamare ancje dai cuadris che a jerin sù pai mûrs (Pieri Menis, Il testament)

Polirematichis e espressions idiomatichis

• svuedâ il sac loc.v.

Proverbis:

• la gote continue e svuede il vassiel