disgotâsi
dis|go|tâ|si
[CO]
-
v.pron.intr.
di gotis o licuit, vignî jù a tic a tic:
al rivà da ad ôr dal poç sot il cocolâr, dulà che si disgotave la aghe ploiane de cort (Pieri Menis, Tinut di Libro);
dut un zito. Juste la aghe che si disgotave dai cops te cunete e rompeve chel zito (Meni Ucel, La ombrene)
-
(fig.)
ancje di alc altri che si pues comparâ cun gotis di aghe, vignî jù o sucedi in maniere ritmade, ripetude o discontinue:
la pâs di cheste sere mi travane, / mi si disgote a got a got tal cûr (Ercole Carletti, Sere in montagne);
e la ore intant e lave ator ator / a disgotâsi a vongulis dal tor (Meni Ucel, Ore piardude)
-
(fig.)
ancje di personis, rivâ e finî un pôc par volte intun puest:
tante biade int, spedide dai ospedâi e refudade des fameis, si disgotave alì [tal Cottolengo] (Antoni Beline, Pre Pitin);
a vignivin tancj puars su la puarte a cirî la caritât […]. Cualchi parone ur diseve: «Ma si disgotaiso ducj culì, benedets de Madone?» (Toni Falescjin, La «Trinitât»)
-
v.pron.intr.
pierdi licuit gote a gote:
al jere umit, cussì e cjaminave biel a planc, no masse sot i arbui, che a vevin di finî di disgotâsi (Jolanda Mazzon, Di là de rêt)