secjâ
se|cjâ
[AF]
-
v.tr.
fâ deventâ sec, fâ pierdi umiditât:
il cjalt di Avost al à secjade la arbe ta chel cimitieri bandonât disore Cividât (Checo Tam, Poche! Mone);
e ducj a domandâi se e veve fat bon viaç in chê scjaldadice, in chel scotôr di Jugn che al secjave il polvar de strade (Maria Forte, Cjase di Dalban)
Sin. incandî
, incantesemâ
, sidiâ
, arsî
, brusâ
, brusinâ
, candî
, cantesemâ
, suiâ
-
v.tr.
lassâ tal soreli, tal aiar o meti intal for robe di mangjâ o altris materiâi, e v.i., par che, pierdint la aghe, si puedi conservâju:
secjâ i odôrs e lis jerbucis par fâ tisanis (Margherita Timeus, Lis rosis tal plat)
-
v.intr.
di aliment o altri materiâl, pierdi la umiditât di mût di podê jessi conservât:
il stanzon dulà che meteis a secjâ lis siespis (Vittorio Vittorello, A ogni cost);
cualchi fatorie cu la arie plene di cjanis a secjâ (Alan Brusini, Par stradis lungjis)
-
v.tr.
fâ pierdi, soredut svaporant, la aghe o il licuit di un bacin o di un contignidôr:
Avost al suie torints e cjanâi, al secje olis e risultivis (Mario Martinis, Il grant lunari dal Friûl. Avost)
Sin. suiâ
Cfr. supâ
-
v.tr.
(fig., zerg.)
bevi svelt dut il contignût di un recipient, soredut vin o altri alcolic:
"[…] Ven cun me, Montàg, che la prime robe che i vuei imparâ a è la strade par rivâ tal Paveon 9, dulà che si struchin e secjin i miour impiestomi de citât!" (Stiefin Morat, Kebar krossè)
Sin. svuedâ
, disvuedâ
, scolâ
, suiâ
, disgotâ
-
v.tr.
(fig.)
fâ pierdi vivôr:
il dolôr i veve secjât ta la anime chel afiet sclet di cuant che e jere frutate (Pieri Menis, Sul agâr)
-
v.tr., v.intr.
dâ fastidi:
o stoi su lis mês e no secji nissun (Meni Ucel, Maldicencis);
"Vuelial finîle? Che nol stei vignî a secjânus, che al vadi fûr…" (Pieri Somede dai Marcs, Barbane);
lis cjacaris sul gastalt i secjavin, no par nuie - ducj i gastalts e sgrifignin! - ma soredut par vie che ancje la plui basse servitût e jere vignude a cognossince de robe (Arturo Feruglio, La manie)
Sin. rompi
, stufâ
, saceâ
Polirematichis e espressions idiomatichis