Dizionari de Lenghe Furlane

supâ  su|pâ  [AF]

1. v.tr. tirâ sù un licuit cu la bocje, o, tal câs di cualchi animâl, ancje cun altris aparâts:  alì e cerce e e cjucje par ordin, supant pacjifiche intal pignat dal lat cu la canucje in bocje (Ivano Urli, Storie di Vera); al jere pecjât che [i pierçui] a colassin tant che a colavin dai pierçolârs cjamâts, o che a lassin lis âfs a supâju (Meni Ucel, Piarçui); dâi il lat al vidielut che lu supave sù dal podin (Maria Forte, Cjase di Dalban)
   Sin. cjucjâ , tirâ sù , çupâ
   
   1. bevi a planc, soredut par sintî il savôr:  il siôr al supave la sô cjicare di vuardi, fasint muse di agrât al bevarum che lu stomeave (Gianni Gregoricchio, Trê feminis)
   2. mangjâ a planc, ancje smolant cu la salive, par sintî ben il savôr:  Miutin cuntun biscot in man che a supà dut il timp dal viaç e sio pari a tornarin dongja (Novella Cantarutti, La not di Gjoriu)
2. v.tr. tirâ sù cu la bocje ancje alc che nol è licuit:  supâ la ciche dal toscan (Arturo Feruglio, Viaç a Vignesie)
   Sin. cjucjâ
3. v.tr. dâ plasê sessuâl cu la bocje:  il me destin al è chel di supâ bigui a ducju i pervertîts disdenteâts che a àn cuatri francs di spindi (Stiefin Morat, Donald dal Tiliment)
   Sin. cjucjâ
4. v.tr. (ancje fig.) cjapâ dentri, assorbî un licuit o une sostance o ancje alc di imateriâl:  [l'arbul] al veve cjapât ben. Al supave tal teren coltât e al pareve bon (Maria Forte, Il tei)
   Sin. tirâ sù , cjapâ sù , cjapâ , tignî , bevi , cjucjâ
   Cfr. bombîsi , imbombîsi , imbombâsi
5. v.tr. (fig.) cjapâ tal profont de ment, dal caratar e v.i.:  "Isal, par câs, ancje lui di chei che a àn supât lis ideis che a vegnin di France…" (Alviero Negro, Int di masnade); i zovins, magari cussì no, a àn supât la gnove culture (Riedo Pup, Ocjo di no pintîsi); jê e supave ogni mê peraule (Carlo Sgorlon, Il dolfin)
6. v.tr. (fig.) cjapâ alc cun intensitât, fâ che alc al sedi impleât, che al finissi:  chel fi che i veve supât dutis lis sôs fuarcis par tancj agns (Roberto Ongaro, Il muc); il secont frut, che al veve un cjâf che si cueieve intun bol e che al mertave di lâ a scuele, al veve supât in pôcs agns i misars sparagns da la famee (Franca Mainardis, Aiar di cjase); al pareve che la cjase e supàs il materiâl, tant al sparive dut tun bot (Lucio Perès, Il mâl dal mûr)
   Sin. bevi , mangjâ , brusâ , cjucjâ
7. v.tr. (fig.) sopuartâ alc di negatîf:  i furlans e àn vude la disgracie di scugnî supâ, dopo dal 1420 fint in dì di vuê, un paron daur l'altri (Francesc Placerean, Cuintristorie dal Friûl dal 1866 fint in dì di vuê)
   Sin. patî , subî , paidî , gloti , sopuartâ , pipâ

Polirematichis e espressions idiomatichis

• lâ a supâ lis lidrîs pal poc loc.v.

Proverbis:

• daspò mangjâts i gjambars si supe lis çatis