Dizionari de Lenghe Furlane

gloti  /-ò-/  glo|ti  [FO]

1. v.tr. mandâ jù tal stomi ce che si à in bocje:  al bevè un cop di aghe e il grop dal cuel i lave sù e jù tal gloti (Dino Virgili, La aghe da pît la cleve); e glot che ti glot, une butilie e jere za lade jù pal gargat cence visâsi (Pieri Menis, Doi pizighets e un lari)
   Sin. butâ jù , cjapâ , cjoli , glanzî , ingloti , mandà jù , parâ jù
   Var. glutî
   
   1. (ass.) mandâ jù la salive:  Eliseo al glotè. La pôre dal doman si zontave a la vergogne di jessi li a slungjâ la man come un puar (Carlo Sgorlon, Prime di sere)
2. v.tr. (fig.) stratignî une reazion:  il cjapitani al jere jessût glotint lis blestemis che al veve in bocje (Carli Pup, Salvans su la Bivare); se e pense ae mame […] no rive a gloti lis lagrimis che i travanin i voi (Ivano Urli, Storie di Vera)
   Sin. butâ jù , mandâ jù , parâ jù , sopuartâ , stratignî , tignî dentri
   
   1. vê di sopuartâ, spec. cence podê reagjî:  Ilde e scugnì gloti la delusion, ma dome par rumiâle e sglonfâle dentri di se (Gianni Gregoricchio, Trê feminis); la bisnona a veva cugnût gloti da chel sio om tanti robi (mê mama a na li contava mai) (Novella Cantarutti, Se i tu mi voul, tu mi voul)
      Sin. butâ jù , mandâ jù , parâ jù , sopuartâ
3. v.tr. acetâ, crodi a alc che al è fals, bausâr, fat par imbroiâ e v.i.:  sâstu ce ben che mi è lade? Le à glotude li par li, e inmò content. Cussì, par domenie, mi diliberi de incariche (Roberto Ongaro, Il muc); lis cjacaradis otimistichis, che si fasin vuê daûr lis declarazions dal guvier nissun lis glot (Josef Marchet, Il pietin e il grop)
4. v.tr. (fig.) ancje di elements inanimâts, tirâ jù, tirâ dentri fin a fâ sparî:  e jere come une cortine di nêf, come un univiers che al someave gloti il mio univiers (Checo Tam, Sense); une volte o chê altre e vignarà une scosse [di taramot], ma une scosse di sdrumâ jù dut, di vierzi la tiere, di gloti il paîs (Alan Brusini, Par stradis lungjis); al zeva via ridint che a pareva che al ves da strenzi il mont tai braçs e invessi a sa lu glutì la guera in Albania (Novella Cantarutti, Il gorc di Grimau)
   Sin. ingloti , subissâ , cjapâ dentri , cjapâ sot

Polirematichis e espressions idiomatichis

• fâ gloti ducj i dincj loc.v.
• fâ gloti la peraule loc.v.
• fâ gloti peraulis e lenghe loc.v.
• gloti amâr loc.v.
• gloti amâr e spudâ dolç loc.v.
• gloti 'savis loc.v.

Proverbis:

• no si à di tirâ flât e gloti che e va pe scjavace
• no si po gloti amâr e spudâ dolç
• une femine ur fâs gloti clauts ai oms