Dizionari de Lenghe Furlane

cjapâ dentri    [AF]

1. loc.v. vê o tacâ a vê dentri di se, vê dentri de proprie estension spaziâl, temporâl, ideâl e v.i.:  si definì il standard de lenghe greghe moderne, tal lessic e te scriture, che al balinà a dilunc tra la soluzion popolâr, fevelade, la demotiche, e chê culte, modelade su chê antighe, la katarevoussa, intun confront ferbint che al cjapà dentri il Votcent e buine part dal Nûfcent (Adrian Cescje, Viaç aes origjins dal Logos)
   
   1. fâ jentrâ intune estension spaziâl, temporâl, ideâl e v.i.:  il so bataion, "Mussolini", intal '44 al è stât mandât sul "front sclâf" (che al leve di Tulmin a Podbrdo dulinvie de ferade) par fermâ i "titins", che, si diseve, a vevin voie di cjapâ dentri il Friûl te Jugoslavie (Cristina Noacco, Faliscjis)
2. loc.v. vê tant che argoment, tant che ogjet di interès:  te mê ricercje o vuei cjapâ dentri dome chei che o clami Tescj primaris (Michele Calligaris, Lis piuladis furlanis tal pulinâr globâl)
   Sin. comprendi , contignî , includi , rivuardâ¹ , sierâ , tocjâ , tratâ
3. loc.v. fâ che cdn. o alc a jentrin intune cierte cundizion, situazion, ativitât, partecipazion e v.i.:  Frau al proclamà l'impegn a promovi la costituzion dal Centri che jo o vevi proponût, cu la formule dal consorzi par podê cjapâ dentri la Universitât e impegnâle inte imprese (Adrian Cescje, Memoriis di politiche linguistiche)
   Sin. implicâ , tirâ dentri
4. loc.v. fâ che cdn. al sinti une sensazion di partecipazion profonde:  Marchet si lassà cjapâ dentri dal entusiasim di Marchi, de sô culture fûr dal ordenari e dal snait che chel om al puartave cun se (Max Mauro, Felix Marchi e il sium dal furlan-furlan)
5. loc.v. strenzi jenfri dôs o plui parts:  la puarte si è sierade a colp e al è mancjât pôc che i cjapàs dentri i dêts

Components:

• cjapâ v.tr., v.intr.
• dentri av., prep., adi.inv., s.m.sing., s.m.inv.