tirâ dentri
[AF]
-
loc.v.
cjapâ e fâ fuarce di trazion par fâ jentrâ:
Teresine no voleve montâ in «zardinete» ma i fruts le àn tirade dentri (Alan Brusini, Come tai romançs)
-
fâ jentrâ, ancje cence cjapâ e tirâ:
difûr dal Cavalet, Zuan al cjatà un altri capuçat che lu tirà dentri in ostarie (Maria Forte, La tiere di Lansing)
-
movi une part dal cuarp in mût che no stedi fûr:
Masaniello al cucave pal balcon. […] "Vieni giù. Muoviti!" al veve ordenât il republichin, cun fevele oltrane. "Schnell, schnel!" al spesseave il cjapitani todesc. Il barbe Masaniello al veve tirât dentri il cjâf e al jere dismontât a viarzi (Gianni Gregoricchio, Barbe Masaniello)
-
loc.v.
fâ jentrâ intun grup, intune situazion, intune cundizion e v.i.:
salacor, se le vessin viodude a vaî, a racomandâsi, a confidâsi, insume a vierzisi un pôc cun cualchidun, le varessin tornade a tirâ dentri tal lôr afiet (Maria Forte, La aghe dal Ariul);
il gnûf capelan, don Anacleto, al veve cirût di tirâlu dentri te Azion catoliche (Gianni Gregoricchio, Îr e doman)
Sin. tirâ
, cjapâ
, cjapâ dentri
-
loc.v.
cjapâ in proprietât:
tirin dentri cumugnis e pustots, / e spindin bêçs a poçs (Pieri Çorut, La agricolture)
-
loc.v.
fâ rivâ fin dentri in cjase une furnidure che e rive cuntune linie o cuntune condote, par esempli aghe, lûs, gas, telefon e v.i.:
di pôc a vevin tirât dentri la aghe e cussì no si viodevin plui picjâts i cjandêrs cul cop a pendolon (Jolanda Mazzon, Di là de rêt)
-
loc.v.
[TS]
lit.
fâ segnâl che la int e jentri in glesie pe messe:
al podeve ben dî il predi che la messe e veve di lâ fûr un cuart di ore prin o un cuart di ore dopo; a la ore che al veve « tirât dentri» so pari e so nono, lui al tirave il campanel (Pieri Menis, I sioperos dal muini)
Components:
-
dentri
av., prep., adi.inv., s.m.sing., s.m.inv.
-
tirâ
v.tr., v.intr.