Dizionari de Lenghe Furlane

rivuardâ¹  ri|vuar|dâ  [FO]

1. v.tr., v.intr. vê un leam, une relazion, vê di argoment, di obietîf, e v.i.:  la unitât nazionâl no je une cuistion che e rivuardi nome la Italie, che e stei tal cjâf nome al guvier talian e ai patriots talians (Josef Marchet, Cjalâ plui inlà); [la letare cuntune poesie di menace] e je spedide al deputât Filip Narduç, ma mi sa che ur rivuarde a ducj chei de deputazion comunâl… (Alviero Negro, Int di masnade)
   Sin. tocjâ , intignî , riferîsi
   Var. riguardâ¹ , raguardâ¹ , ravuardâ¹ , revuardâ¹ , reguardâ¹
2. v.tr. [BF] tignî parât, protet:  al è un dovê rivuardâ e inareâ i grancj ideâi de nestre gjernazie (Tarcisio Venuti, La cjase di Toni)
   Sin. vuardâ , travuardâ , parâ , protezi
   Cfr. rivuardâsi
3. v.tr. [BF] tignî in stime, in considerazion:  lu rivuardi come gno pari (Giulio Andrea Pirona, Ercole Carletti, Giovanni Battista Corgnali, Il Nuovo Pirona)
   Sin. considerâ , stimâ , calcolâ , rispietâ