calcolâ
cal|co|lâ
[FO]
-
v.tr.
(ancje ass.)
cjatâ un valôr o un complès di valôrs cuntun cont matematic:
a la fin dal mês al calcolave di vê vuadagnât sù par jù novante cjartis di mil (Carlo Sgorlon, Prime di sere)
Sin. misurâ
, contâ
, contizâ
, fâ calcul
-
v.tr.
cjapâ in considerazion intun cont:
il svual Ryan Air al jere aes trê dopomisdì. Al programâ dutis lis possibilitâts cirint tai sîts di riferiment. Calcolant la ore di mancul, al sarès rivât aes cuatri e dîs a Stanstead (Franco Marchetta, Il numar 1089)
Sin. cjapâ dentri
, contizâ
, tignî
, contâ
, meti
-
v.tr.
vê intune cierte considerazion, valutâ intune cierte maniere:
la prospetive federaliste europeane e ven calcolade la uniche in stât di dâ une soluzion a chei che a vegnin clamâts i «problemis des piçulis nazionalitâts» (Marc Stolf, Corsiche, Scozie, paîs Basc, Catalogne, Friûl… Europe);
pecjât nome che, cul mont che al cor, il scudet de onestât nol sei calcolât une palanche (Riedo Pup, Il scudet te sachete);
une insurezion che e ven calcolade la plui impuartante de Rinassince intes tieris che vuê a son dentri dal stât talian (Carli Pup, Il Friûl de Joibe Grasse dal 1511)
Sin. considerâ
, stimâ
, tignî
-
v.tr.
vê stime, vê in buine considerazion:
in citât no tu podarâs vê amîs e nancje feminis, parcè che culà vie o che ti sfrutin pai tiei bêçs o che nancje no ti calcolin (Enrico Martina, Ricuarts e inlusions)
Sin. preseâ
, considerâ
, stimâ
-
v.tr.
vê tal cjâf, tignî a ments:
la anime e cjante ancje jenfri lis piçulis cjossis di ogni dì, che nancje no si calcolilis co si è tal mieç di lôr (Dino Virgili, La aghe da pît la cleve)
Sin. tignî cont
, viodi
, pensâ
, considerâ
-
v.tr.
previodi:
si à di calcolâ une vore ben chês che a podaressin jessi lis consecuencis de nestre mosse (Nilde Teresa Negro, Zuìn di scacs)
Sin. considerâ
, contâ
, pensâ
, previodi
, scrupulâ
