Dizionari de Lenghe Furlane

fâ calcul    [CO]

1. loc.v. calcolâ un numar, une cuantitât, une sume:  une volte, stracs che o jeris, in timp di predicje al durmive l'otantecinc par cent de int, là che vuê o ai fat calcul che cuant che o pridicji al è dismot plui dal cuarante par cent (Riedo Pup, Moris di baraç - Il Strolic furlan pal 1965)
   Sin. fâ cont , calcolâ , contâ
2. loc.v. vê fiducie in cdn. o in alc, che a puedin judâ, fâ di poie par necessitâts, azions, resonaments, deduzions e v.i.:  al pretindeve di podê fâ calcul ad in plen su di me (Carlo Sgorlon, Il dolfin); "O vevi fat calcul di chei cunins, âstu capît? A jerin i bêçs dai cavalîrs." (Gianni Gregoricchio, Îr e doman)
   Sin. fâ cont , fâ stât , fâ afidament , contâ
3. loc.v. previodi o sperâ:  al podeve oramai fâ calcul di jessi fûr dai pericui, in lûc di salvament (Giovanni Gortani, La paùre - Une gnot intun segrât); nol jere par nuie di fâ calcul che lui al podès fevelâi o compagnâsi cun jê. Buine, la fantate, di scjampâ vie a pene che lu smicjave (Gianni Gregoricchio, Lilie)
   Sin. fâ stât , fâ cont
   
   1. considerâ o imagjinâ

Components:

• calcul¹ s.m.
• fâ v.tr., s.m., v.intr.