fâ cont
[AF]
-
loc.v.
calcolâ un numar, une cuantitât, une sume:
«Spiete, alore, che o fasi un scornòs»; e lu fâs, metint dentri lis compris di Zenco. Po al fâs cont, i consegne a Zenco il scornòs di cjarte di stran e i dîs trop che al jere (Meni Ucel, I colaçs)
Sin. fâ calcul
, calcolâ
, contâ
-
loc.v.
vê fiducie in cdn. o in alc, che a puedin judâ, fâ di poie par necessitâts, azions, resonaments, deduzions e v.i.:
"Disii al comandant che al fasi cont di me… Ce che o pues fâ… Moràs nol cambie…" (Pieri Menis, Sul agâr);
l'ingôs lu patissin ducj, e trops di lôr no puedin fâ cont di un aiût par scjafoiâ i lambics che a carulin dentri vie (Jolanda Mazzon, Fûr di timp);
la sô famee e jere puare come la miserie, e no i vevin insegnât nissun mistîr, fûr che chel di rangjâsi e di fâ cont dome su di se (Carlo Sgorlon, Prime di sere)
Sin. fâ calcul
, fâ stât
, fâ afidament
, contâ
-
loc.v.
previodi o sperâ di fâ alc o che alc al sucedi:
doman te nestre vile si use a fâ il secont Nadâl e si guste su la tavaie, no mo? Ancje jo o fâs cont di petâje… (Josef Marchet, Lis predicjis dal muini);
a traviers de filiade dal sierai di Bad Wanbrumn nissun po fâ cont di scjampâ (Ivano Urli, Storie di Min)
Sin. fâ stât
, fâ calcul
-
considerâ o imagjinâ:
jo o ai plasè di sintîus a fevelâ come che fevelais. Ma dovês fâ cont che vivi, vuê, e je une altre facende che une volte (Ercole Carletti, L'amôr vieri);
al cjate sul moment la intonazion, / e al da fûr un voson, / fait cont come un canon (Pieri Çorut, Il mio tratament)
Components: