Dizionari de Lenghe Furlane

cont¹  /-ò-/  cont  [FO]

1. s.m. operazion aritmetiche:  "Vuê il mestri mi à dit che tai conts nissun mi passe" i diseve Bertin (Maria Forte, Cjase di Dalban); Fatime e Bruno, plui concrets di jê, a fasevin un grum di conts par valutâ la ereditât di Eve (Carlo Sgorlon, Ombris tal infinît); i conts sul cuartês, tal ultin a tornavin istès (Riedo Pup, I furlans e i predis)
   Sin. operazion , calcul¹
2. s.m. sume di bêçs che e corispuint a un acuist, a un lavôr, a un servizi e v.i.:  al meteve lis cjartis tal tacuin di tele incerade, calcolant se tai ultins dîs al veve plui vuadagnât lavorant o spindût paiant il cont da la ostarie (Carlo Sgorlon, Prime di sere)
3. s.m. bancj. complès des regjistrazions di bancje in dâ e in vê che a regolin il rapuart cuntun client:  la impueste di paiâ e je fisse, val a dî 34 euros, se la sussistence medie sul cont dilunc dal an e passe il limit di 5.000 euros (Mariannina Rocco, Invistiments forescj e declarazion dai redits)
   
   1. cuantitât di bêçs che si à in bancje:  tu âs un biel cont su la bancje e la sachete sglonfe (Josef Marchet, Lis predicjis dal muini)
4. s.m. massime cuntun possessîf, pont di viste, opinion:  la piês robe, par gno cont, e je la zelosie (AAVV, Sul florî)
   Sin. opinion , parê²
5. s.m. pont di discussion o aspiet cjapât in considerazion:  su chel cont [sul teme des autonomiis] i eletôrs talians a son dividûts: dute la criche leade par interès ae burocrazie centrâl o aes gruessis leghis industriâls, insiemi cun cuatri gnognos di nazionaliscj in buine fede, e je contrarie. Chei altris a son a favôr (Josef Marchet, Fieste finide); la stale e je propit une istituzion impuartantissime, fondamentâl par tancj conts (Riedo Pup, I furlans e la stale)
   Sin. cantin , argoment , teme² , aspiet¹
6. s.m. in corelazions che a metin in confront plui tiermins, ognidune des robis diferentis:  un cont al è jessi cuintri o metisi cuintri di cualchidun, un cont al è, magari, ancje bandonâ i compagns par un mût di viodi diferent o ancje par pôre, ma un altri cont al è tradî par fâsi benvolê dai gnûfs parons (Roberto Ongaro, Il muc)
   Sin. robe
7. s.m. ancje tal pl., cuistion, probleme che si à cun cdn.:  ma jo je fâs paiâ! Oh, se je fâs paiâ! Crodessio di spietâ une vite, ma i torni la farine e inmò cu la muldure. Intant cumò i fâs biele muse e bon acet e po, biel planc, o pensarai cemût che o ai di fâ par saldâ il cont (Roberto Ongaro, Il muc)

Polirematichis e espressions idiomatichis

• a bon cont loc.coniun., loc.av.
• a cont di loc.prep.
• a ogni bon cont loc.coniun., loc.av.
• dâ cont loc.v.
• dâsi cont loc.v.
• fâ cont loc.v.
• fâ i conts loc.v.
• fâ i conts aduès loc.v.
• fâ i conts inte sachete loc.v.
• fâ i conts tes sachetis loc.v.
• in cont di loc.prep.
• in fin dai conts loc.av.
• in fin dal cont loc.av.
• lâ par so cont loc.v.
• meti in cont loc.v.
• meti sul cont loc.v.
• par cont di loc.prep.
• par cont so loc.av., loc.adi.inv.
• par ogni bon cont loc.coniun., loc.av.
• par so cont loc.av., loc.adi.inv.
• regolâ i conts loc.v.
• rindi cont loc.v.
• rindi i conts loc.v.
• rindisi cont loc.v.
• savê di letare e di conts loc.v.
• savê il cont so loc.v.
• sierâ i conts loc.v.
• sul cont di loc.prep.
• tignî cont loc.v.
• tignî cont pe spine e pierdi pal cjalcon loc.v.
• tignî cont pe spine e spandi pal cjalcon loc.v.
• tignî i conts loc.v.
• tignîsi cont loc.v.
• tirâ i conts loc.v.
• tornâ cont loc.v.
• tornâ i conts loc.
• vignî a conts loc.v.

Proverbis:

• a la ostarie si fâs il cont prin di lâ vie
• conts dispès, amicizie lungje
• cui che al fâs il cont denant l'ostîr lu fâs dôs voltis
• cui che al ten cont dal pôc al ten cont ancje dal trop
• nûl in mont, ploie in cont
• su la Val di Josafat si salde ducj i conts
• un cont cence contâ al è come une bote cence cerclâ