Dizionari de Lenghe Furlane

in fin dai conts    [AF]

1. loc.av. par introdusi o rimarcâ une conclusion o une osservazion sostanziâl ancje in oposizion a argoments superficiâi:  la regjon, come che e sarà imbastide in Italie [cence autonomie speciâl] no disberdee nuie, no comede nuie, no zove nuie. E, in fin dai conts, no nus impuarte nuie che le metin sù o che no le metin sù (Josef Marchet, Lôr no molin e nô no molìn); chei che a viodevin Jacum i domandavin cemût, ce malatie che e veve vude, in fin dai conts, domandis che si use fâ ancje vuê in chestis brutis circostancis (Angelo Covazzi, Un corot par Jacum)
   Sin. infin , insom , in fin dal cont , in fin dai fats , in struc , in conclusion , struche struche , insot insot

Components:

• cont¹ s.m.
• fin² s.f., s.m.