Dizionari de Lenghe Furlane

insom  /-òm/  in|som  [FO]

1. av., prep., adi.inv. te part plui alte:  la rive dal Roncat e jere malandrete cun chel troi di mil zirevoltis par rivâ sù insom (Alan Brusini, Come tai romançs); di insom la Cjargne fint ad ôr di Monfalcon al fo dut un maçalizi (Francesc Placerean, Cuintristorie dal Friûl dal 1866 fint in dì di vuê); dute la Cleve, de schene insom fintremai par confin dal riul e jere robe lôr (Dino Virgili, La aghe da pît la cleve)
   Var. insomp
   
   1. (fig.) te posizion plui impuartante:  il grât di gjenerâl al è plui insom di chel di cjapitani
   2. s.m. part plui alte di alc:  in nissun puest amôr ma nome in chest / l’amôr ti disarès che al è taront / l’insom e il sot, ladrîs e zime in rime (Pierluigi Cappello, Rondeau)
2. av., prep., adi.inv. te part estreme di alc, sedi plui dongje che plui lontane, daûr dal contest:  insom, là che la aghe e murive te fangherie, i viei a contavin che par antîc al jere il paîs (Dino Virgili, La aghe da pît la cleve); dopo sepulture a tornarin sù a mangjâ la fave dai muarts, cu la cjadree di puare Catin vueide insom la taule (Dino Virgili, La aghe da pît la cleve); a pene che mi viôt, Dele e scjampe pe puarte insom (Alan Brusini, Gian Paolo Linda, I forescj)
   
   1. s.m. part estreme:  dal insom dal sfondaron (Fabian Ros, Il lôf)
3. av., prep., adi.inv. te part finâl di une dade di timp, di alc che al dure o ancje di alc di astrat in gjenerâl, o ancje rispiet a une dade di timp no segnade ma che si capìs dal contest:  [il spieli] sal cjatisi denant ogni zornade, la matine a dâti il bundì e insom la zornade pe buine gnot (AAVV, Sul florî); Tin al va a cjatâ il so copari Berto, vieli e une vore malât, scuasi insom (Meni Ucel, Comprension)
   Sin. ae fin , su la fin , te fin
   
   1. dopo de fin di alc, dopo di cualchi fat, tratative, dinamiche e v.i.:  tal stes sfuei a stavin la linie cul obietîf che il vendidôr al varès vût di rivâ e chê altre linie, plui basse, cun chel che, insom, al veve vendût (Stiefin Morat, Musets); la liste [di Union popolâr furlane] e fo insom peade a chê dal Moviment Friûl, ma no rivà di istès a tirâ sù i vôts che a coventavin par mandâ a Rome un deputât (Max Mauro, Un Friûl difarent: i 90 mhz di Onde Furlane)
      Sin. ae fin , infin
   2. par concludi un discors, un resonament e v.i.:  insom la domande di Dele no jere altri che une ipotesi fie de sôs peraulis (Franco Marchetta, Madalene)
      Sin. insome , in sumis , infin , in definitive , in fin dai fats
   3. s.m. part finâl:  o vin tacât a zuiâ ben, ma po, tal insom de partide, o jerin masse stracs e o vin pierdût
      Sin. fin⁴ , finâl

Polirematichis e espressions idiomatichis

• da pît insom loc.av.
• di insom fin da pît loc.av.
• insom di loc.prep.
• insom insom loc.av.
• puartâ insom loc.v.
• rivâ insom loc.v.