finâl
fi|nâl
[FO]
-
adi.
che al ven ae fin, che al finìs, che al sta ae fin:
il pastôr al fasè la benedizion finâl (Checo Tam, Donnerwetter);
la fase dal nazionalisim dal Siet e Votcent (fase finâl de formazion dai stâts a nivel european) (Fabian Ros, La invenzion dal stât)
Sin. codarûl
, conclusîf
, terminâl
, ultin
-
adi.
che al siere alc in maniere definitive:
al jere necessari risolvisi di nomenâ l'arbitri de sielte finâl [su la grafie furlane] (Adrian Cescje, Memoriis di politiche linguistiche);
il nodâr, tirât dongje dal jet, al scomence a lei il test, e al restave dome di sintîlu a confermâ e di scrivi la formule finâl (Pieri Somede dai Marcs, Dure leç);
la epidemie di gjandusse e il taramot che a rivin pôc plui tart a dan il colp finâl ae rivolte (Carli Pup, Il Friûl de Joibe Grasse dal 1511)
Sin. decisîf
, definitîf
-
s.m., s.f.
ultime part, fase che e siere, che e finìs alc:
il non di Aquilee nol è latin, come che al pâr: al finìs in -eia, tant che Noreia e Celeia che no je finâl latine ma celtiche (Josef Marchet, Cuintristorie dal Friûl fin sot la Italie);
la storie e je ancjemò plui biele se e à un finâl a sorprese (Cristina Noacco, Faliscjis);
i fasè vignî tal cjâf la finâl di un discors che al veve dit inte stesse ocasion, l'an prime, il President dai Mutilâts de Comune (Meni Ucel, Il discors)
Sin. conclusion
, fin2
, sierade
, sieradure
-
s.f.
[TS]
sport
gare, partide che e siere un torneu:
chê partide e jere pardabon impuartante, e jere la finâl dal campionât mondiâl di balon, a Buenos Aires (Agnul di Spere, Usgnot partide di balon)
-
fase che e siere une rassegne ancje no sportive:
a jerin 67 lis propuestis tamesadis de jurie […] che e à ametût ae finâl 16 autôrs [di musiche] (Erika Adami, Fieste de musiche in lenghe)
-
s.m.
[BF]
ce che si intint di fâ o di vê:
il so finâl [dal Grop Corâl Gjiviano] al è chel di tignî vive la tradizion musicâl e folcloristiche de Cjargne (Aministrazion Publiche, Il Sfuei di Tavagnà)
Sin. finalitât
, intenzion
, intindiment
, mete
, obietîf2
, proposit
, smicje
, smire
, fin3
-
adi.
[TS]
gram., ling.
che al fâs chê stesse funzion dal complement di fin
-
s.f.
viôt proposizion finâl