sieradure
/-ù-/
sie|ra|du|re
[AF]
-
s.f.
azion di sierâ o di sierâsi
Sin. sierade
-
cessazion di une ativitât:
a Treli la sieradure, cualchi an fa, de latarie sociâl dutune cun chê de ostarie e dai doi alimentârs, e à fat pierdi il sens de comunitât (Marta Vezzi, Il vivi intun paîs di mont)
-
s.f.
fin, conclusion, soredut di un discors, di un scrit, di un componiment e v.i.:
il non di Piltrude al vignive […] ancje scrit in sieradure des cjartis dai omeliaris e dai antifonaris, a ricuart di une femine che e fo esempli clarissim di virtût e di prudence (Angelo Floramo, Piltrude e il Prât das Dumblas)
Sin. code
, conclusion
, fin2
, sierâ
, sierade
, tiermin
-
conclusion di une manifestazion:
[…] e la sieradure, domenie ai 15 di Mai aes 20.30, tal Teatri Gnûf Giovanni da Udine, cul spetacul conciert dedicât a Zorç Ferigo (Alessio Screm, La Setemane de culture furlane de SFF, une plene imersion inte furlanetât)
-
s.f.
aparât mecanic, in câs ancje cun parts eletrichis o eletronichis, che al covente a podê sierâ e vierzi alc, soredut cuntune clâf:
"Sêso vô il fari di Cretevierte? " "Siôr sì !" "Vêso fât vô la sieradure di cheste puarte? " "Sì, propit jo! […]" "Ise une sieradure cui segrets?" "Sigûr, e ancje ben studiâts" (Roberto Ongaro, Cretevierte);
e jere corude li di chê puarte, e veve sfurigât un pôc te sieradure e e jere rivade a jentrâ (Spirt Anonim, Braùre)
-
s.f.
mancjance di disponibilitât o di comprension di ce che al è gnûf, diviers, dinamic, no banâl, plui profont e v.i..:
rinfuarçâ il spirt identitari nol è fenomen di sieradure, ma plasme e linfe de autonomie (Dree Valcic, Un popul di scoltâ e di no tradî)
Sin. durece
-
rispueste negative, mancjance di disponibilitât a acetâ a une propueste, a une inovazion e v.i.:
la sieradure viers la inovazion grafiche de Filologjiche e je stade ancje la espression de sô sieradure ancjemò plui grivie viers la concezion di une lenghe furlane moderne (Adrian Cescje, Memoriis di politiche linguistiche)
-
s.f.
[TS]
fon.
posizion dal aparât di fonazion che no lasse lâ fûr l'aiar o che al lasse passâ mancul aiar rispiet a altris posizions
-
carateristiche des articolazions fonichis produsudis ta cheste posizion:
i e u a son vocâls di sieradure massime
-
s.f.
[TS]
zûcs
in cierts zûcs di cjartis, il vê i ponts che a coventin par sierâ il zûc
Proverbis:
- Sant Simon e jude la rave a ven madure, madure o no madure, si le met sot sieradure