conclusion
/-òn/
con|clu|si|on
[FO]
-
s.f.
il fat di puartâ insom o di rivâ insom, di finî:
o percepivi in realtât l'intindiment di menâ il Cfl2000 ae paralisi e, in ogni câs, ae conclusion de sô esistence (Adrian Cescje, Memoriis di politiche linguistiche);
si puedin invezit analizâ plui tal detai i risultâts dal cuistionari anonim che al è stât distribuît ai students prime dal inizi de sperimentazion e dopo de sô conclusion (Carlo Cecchini, Matteo Fogale, Une esperience di plurilinguisim inte didatiche de matematiche)
Sin. compiment
, fin2
, finiment
-
s.f.
sotscrizion di un acuardi o sim., di mût che al vedi efiet:
il progjet [di une ultime resistence di Vignesie] al fo bandonât, par vie che no dome nol sarès stât tant facil metilu in pratiche, ma ancje nol varès puartât nissun risultât. Cun di plui al sarès stât di prejudizi a la conclusion des tratativis cui todescs (Giovanni Pillinini, Zuan Batiste Cavedalis - Une vite esemplâr)
-
s.f.
risultât ultin:
lis propuestis plui rampidis e resonadis a colin par tiere; no si distrighe nuie, no si rive a nissune conclusion, no si fâs un pas indenant: si sberghele, si urle, si scombat e si rimande (Josef Marchet, Barufis);
la prime Risoluzion Arfè su la tutele des minorancis e je la conclusion di un percors parlamentâr lunc su par jù doi agns (Marc Stolf, La Cjarte di Strasburc dal 1981. Une Risoluzion "storiche" e ancjemò di atualitât)
Sin. prodot
, risultât
, risulte
-
s.f.
part finâl:
su la ineficience, impotence o inesistence di une classe politiche (e ancje culturâl e economiche) furlane, da la invasion taliane a la ditature, al regjim democristian e al limbo postdemocristian, nol è il câs di straçâ peraulis. Parafrasant la conclusion de Cuintristorie, «a son robis che a partegnin a la nestre memorie e o podìn contâlis di bessôi» (Antoni Beline, La eterne lote dai furlans)
Sin. finâl
, sierade
, fin2
, code
-
s.f.
[TS]
logj.
ultime proposizion di un silogjisim, che e ven daspò di dôs premessis
-
s.f.
[TS]
logj.
in logjiche matematiche, risultât di un procès di derivazion
-
s.f.
risultât di un resonament, deduzion logjiche:
i doi miedis che lu curavin, il dot. Rey e il dot. Pieron, a son rivâts a la conclusion che Van Gogh al jere malât di une "epilessie cence convulsions" (Franc Fari, Il cjâf dai furlans);
i lôr discors - discors di personis che, salacor, si viodevin la prime volte, che a resonavin ognidun dal so pont e cun serie preparazion - a son rivâts simpri, cun grande maravee di ducj, aes identichis conclusions (Josef Marchet, Federazion europee tra nazions o tra regjons?)
Sin. risultât
, deduzion