prodot
/-òt/
pro|dot
[FO]
-
p.pass., adi.
viôt produsi
-
s.m.
ce che al ven fûr di un procès naturâl o di un lavôr uman, industriâl o artesanâl, spec. intindût tant che robe di consum e di marcjât:
valorizâ il puest dal consumadôr e la sielte dai prodots seont criteris etics e su la fonde dai dirits fondamentâi dal om (Buteghe dal Mont, Luche Nazzi, Guide par un consum just e solidâl);
come il sun di une marche al pues provocâ ciertis percezions dal prodot, un lengaç al pues stimolâ associazions (Franco Rosa, Lenghe e sielte de alimentazion di bande dal consumadôr);
vie pal 2009, "import" e "export" regjonâl dai prodots di len a son calâts (Redazion il Diari, Dal setôr dal len un dramatic chivalì);
lat e altris prodots derivâts dal lat, tant che jogurt e formadis (Guglielmo Pitzalis, Ocjo ai vues!)
-
s.m.
ce che al risulte di un procès biologjic, fisic, chimic e v.i.:
il plutoni al à di jessi separât dal combustibil esaurît dal reatôr, che al à prodots di fission une vore radioatîfs (Alessandro Pascolini, Un mont cence armis nucleârs. Sfidis sientifichis e tecnologjichis)
Sin. risulte
-
s.m.
(fig.)
in sens gjeneric, consecuence, efiet:
il racket al è il prodot di un altri ambient, di une culture là che il lari, il traficant, il plurisassin a vegnin riverîts (Riedo Pup, Racket: o sin te vuate)
Sin. consecuence
, efiet
, risulte
, risultât
-
s.m.
[TS]
mat.
risultât de moltiplicazion:
il prodot di dôs o plui potencis che a àn la stesse base al è compagn a une potence che e à par base chê comune aes potencis e par esponent la sume dai esponents (Matteo Fogale, La potence di un numar naturâl)
-
operazion di moltiplicazion
Proverbis:
- il semenâ tart se al fâs bon prodot e je une sorte