efiet
/-èt/
e|fiet
[FO]
-
s.m.
ce che al derive di une cause, di un procediment, di un sfuarç e v.i.:
la cafeine e la cocaine, a dan ecitazion propit parcè che a incressin i efiets de noradrenaline sul cerviel (Franc Fari, Il cjâf dai furlans);
il prin efiet dal riscjaldament al è chel di sfantâ un pôc a la volte, tal câs che a sedin, nûi, fumatele e fumate (Stefano Micheletti, Marcellino Salvador, Notis di meteorologjie pal Friûl - Vignesie Julie)
Sin. conclusion
, costrut
, esit
, risulte
-
s.m.
influence su lis percezions sensoriâls, che e pues ancje ingjanâ:
forsit al jere l'efiet des lûs che a marchin lis ombris (Alan Brusini, Gian Paolo Linda, I forescj);
la lune, par un efiet otic, e someave che e corès, cuant che invezit a cori al jere il nûl (Checo Tam, Gjoldiments forescj)
-
s.m.
reazion emotive o inteletive che si prodûs in cdn.:
Tite si fermà par viodi l'efiet che lis sôs peraulis a vevin fat sul fantat (Roberto Ongaro, Il muc);
jessi metûts dongje di Pasolini, Saba e Caproni al fâs un ciert efiet (Walter Tomada, Pierluigi Cappello: «L'om plui concret? Il poete»);
a tancj comissaris l'argoment de tradizion storiche al veve fat un bon efiet (Adrian Cescje, Memoriis di politiche linguistiche)
Sin. impression
-
impression di jessi o di podê jessi intune cierte maniere che si prodûs in cdn.:
cun chel mût mi fâs l'efiet di un mat (Giulio Andrea Pirona, Ercole Carletti, Giovanni Battista Corgnali, Il Nuovo Pirona)
-
s.m.
[TS]
sport
rotazion dade al balon o ae bale cuntun colp di tai par fâi fâ une traietorie curvade particolâr:
Davis al lenç ancjemò une volte il gol: sghiribiç a dam di Freuler e tîr a efiet che al fâs la barbe ae bande esterne dal pâl (Marc Stolf, Udinese – Bologna 0-0)
Sin. zîr
-
s.m.
[TS]
sient.
fenomen che si studie in maniere sientifiche, dispès specificât di une denominazion o ancje cul non di cui che lu à scuviert o esplicât:
i efiets osservâts a vignivin alore interpretâts in "mût aristotelic" (Lorenzo Marcolini, La invenzion dal vueit inte lampadine di Turo Malignani. Storie, gnovis ipotesis e atualitât);
a nivel neurobiologjic si è viodût che l'efiet placebo al è leât ae liberazion intal cerviel di opioits naturâi, endocanabinoits e dopamine (Franc Fari, Neurosiencis dal dolôr)
-
s.m.
spec. tal pl., ogjet di une persone o di furnidure di un puest:
si fermarin dongje di un taulon li che al podeve viodi une borsete cun sparniçât daprûf dut il contignût. L'ispetôr i domandà se al ricognosseve chei efiets (Fabian Ros, Un piçul particolâr)
Polirematichis e espressions idiomatichis
