Dizionari de Lenghe Furlane

costrut  /-ùt/  cos|trut  [AF]

1. s.m. fatôr, element o risultât positîf:  infin [la bolp], stufe di tirâ la gole cence nissun costrut, e torne a saltâ fûr da cjanive (Luigi Gortani, La bolp e il lôf); "Ce vite, simpri chenci, mai une buine peraule, mai un moment di libertât… lavorâ e lavorâ, magari il lavôr nol mi pese, ma lavorâ par cui, cun ce costrut …" (Pieri Somede dai Marcs, Ursule)
   Sin. avantaç , vantaç , utilitât , pro , vuadagn , zovament , risultât
   
   1. risultât in gjenerâl, no dome positîf:  mi àn dit di tornâ vuê, che a àn il costrut [de biopsie] (Giuliana Pellegrini, Gotis)
2. s.m. obietîf che si vûl rivâ:  i spieghi il costrut de mê incariche (Alan Brusini, Gian Paolo Linda, I forescj)
   Sin. finalitât , obietîf² , fin³ , finâl , intindiment
3. s.m. sens logjic, fonde logjiche o di corispondence cu la realtât:  la fanfare dal Corantevot, cu la sô incurabil malatie des peraulis cence costrut (Josef Marchet, La cotule imblecade); jo o pues testemoneâ che chestis sôs propuestis a vevin un lôr costrut positîf (Arnalt Baracêt, La scuele di Schiavi)
   Sin. sens , significât , logjiche , mani
4. s.m. complès di buinis dotis morâls e inteletuâls:  dute cheste int gnove, malignade e triste, sence costrut, sence bon olê, sence siums… (Dino Virgili, La aghe da pît la cleve); lu ritignive, aromai, om di pôc costrut (Maria Forte, La tiere di Lansing)
   Sin. bravece , cualitât , pês¹ , gnerf , medole

Polirematichis e espressions idiomatichis

• cence costrut loc.av.