vantaç
/-àç/
van|taç
[FO]
-
s.m.
consecuence positive, mudament in miôr:
ducj i presints a puedin dîus i vantaçs e i merits de cooperazion (Tarcisio Venuti, La cjase di Toni);
dutis lis fuarcis e lis risorsis si esaurissin e si distruzin sul teren de lote ideologjiche, cence nissun vantaç e nissun costrut pe coletivitât (Josef Marchet, Diferencis);
al è un vantaç par ducj i doi se o cirìn di judâsi un cul altri (Carlo Sgorlon, Prime di sere)
Sin. miorament
, zovament
, convenience
, costrut
, pro
, profit
, vuadagn
-
s.m.
situazion di favôr, di superioritât:
«Ti ripet: se o lin indevant cussì, in doi mês o pierdìn dut il vantaç!» (Gianfranco Pellegrini, Evelin)
-
distac, ancje misurât in ponts, timp e v.i., tra doi concorents, dôs scuadris e v.i, intune competizion:
l’Udin al manten il control dal zûc e al sburte indenant, obleant la Lazio a sierâsi indaûr par difindi il vantaç (Marc Stolf, Udinese - Lazio 0-1)
-
s.m.
[TS]
sport
intal tenis, pont daspò che si è rivâts a 40 pâr
-
s.m.
[TS]
mec.
intune machine semplice, rapuart tra resistence e potence
Proverbis:
- dal mâl di chei altris no si à nissun vantaç