Dizionari de Lenghe Furlane

pro  /-ò/  pro  [FO]

1. s.m. risultât, spec. economic, positîf e in particolâr cuantitât di bêçs che si à in soreplui in compens dal timp che al dure un prestit o un invistiment:  chestis son dusinte liris, / […] / jo mi 'nt ten cincuantetrê / par il pro di un mês e mieç (Pieri Çorut, Toni senze gaban)
   Sin. tornecont , util , vantaç , vuadagn , interès
2. s.m. element positîf intun confront, intune valutazion:  i passavin pe ment ducj i prôs e i cuintris de sô teorie (Roberto Ongaro, Cretevierte); la vicinie si riunive sot il tei, in place, par che la int e fevelàs, e discutès e po e decidès. Li si sintive il pro e il cuintri e li si cjapave la decision (Riedo Pup, I furlans e la partecipazion)
3. s.m. finalitât:  e parcè po varessistu di vignî cun nô? A ce pro? A fâ ce? (Fabian Ros, Il lôf)
   Sin. fin³ , finalitât , obietîf²
4. adi.inv., av. in favôr:  vueris di cjastelans e di Comunitâts pro o cuintri i patriarcjis (Josef Marchet, Cuintristorie dal Friûl fin sot la Italie); la sentence e ven butade jù seont lis provis, che a deponin pro o cuintri (Pieri Piçul, Vieri e gnûf)

Polirematichis e espressions idiomatichis

• a bon pro di loc.prep.
• a pro loc.av., loc.adi.inv.
• a pro di loc.prep.
• bon pro loc.s.m., loc.inter.
• fâ bon pro loc.v.
• fâ pro loc.v.
• in pro di loc.prep.
• lâ a bon pro loc.v.
• meti a pro loc.v.
• pierdi pro e capitâl loc.v.
• rivâ a bon pro loc.v.
• tirâ a pro loc.v.

Proverbis:

• i bêçs scuindûts no dan pro