Dizionari de Lenghe Furlane

interès  in|te|rès  [FO]

1. s.m. atenzion, curiositât par alc:  tra i zovins al tache a cressi l'interès par cheste radio singolâr (Max Mauro, Un Friûl difarent: i 90 mhz di Onde Furlane)
   Sin. amôr , atrazion , curie¹ , curiositât , impegn , passion , premure , simpatie , slanç , traspuart
   
   1. atenzion, premure par cdn.:  Vanzeli che o us ai let al è clâr; nus mostre l'esempli dal interès di Josef pe famee, pe sô famee (Francesc Placerean, Cemût tirâ sù i fîs in cheste ete)
   2. atrazion par cdn.:  al pensave di sveâ cussì l'interès di jê… par lui come om (Maria Forte, Cjase di Dalban)
2. s.m. argoment o ativitât che e plâs, spec. tal timp libar:  e jere une femine vivarose, plene di interès, che no si jere adatade a une vite cence colôr (Roberto Iacovissi, Catarine Percude)
   Sin. passion
3. s.m. [TS] bancj., fin. di debits o credits, cuote percentuâl che i va a cui che al à dât i bêçs cuant che a vegnin tornâts:  scomençà un an a vendi la blava nel Autun par paiâ un debit e sparagnâ cussì l'interès (Federigo Comelli, Il me paîs); Siore Talie dal Poc e veve fats i bêçs […] e cumò ju prestave a interès (Alan Brusini, Amîs come prime)
   Sin. pro
4. s.m. tal pl., il complès des ativitâts dulà che si à in cualchi maniere un vantaç:  lui mi capìs no mo, culì a van di mieç i lôr interès, i cjamps, lis stalis, i boscs (Alan Brusini, Gian Paolo Linda, I forescj)
   Sin. ben
5. s.m. vantaç economic personâl, ancje pôc onest o pôc coret daûr de morâl:  si copavin di lavorâ e par interès si roseavin tra di lôr, ancje se a jerin siôrs e parincj (Carlo Sgorlon, Prime di sere); [nol voleve maridâ une femine] in etât, po, ma lafè no, che ti cjolin par interès e vonde (Alan Brusini, Il coragjo de sclope)
   Sin. aviditât , calcul¹ , cont¹ , costrut , gole , seneosetât , tornecont , util , vantaç , venalitât , vuadagn
6. s.m. vantaç in gjenerâl, no dome economic:  i gurizans no àn nuie in contrari, anzit a son dal dut a favôr che ancje Udin e Tumieç e Pordenon a conservin, pai lôr interès, chê stesse libertât (Josef Marchet, In cercje di democrazie); no àn volût comprometi i lôr interès eletorâi fevelant masse clâr (Josef Marchet, La gnespule malmadure)
   Sin. ben , costrut , util , utilitât , vantaç
7. s.m. dir. esigjence tutelade di un dirit di sodisfâ une dibisugne
8. s.m. psic. in psicanalisi, l'impuls di autoconservazion che al è propri dal jo

Proverbis:

• il masse interès al sfondere la borse
• no stâ metimi spes che no tu âs nissun interès
• ogni cjâf une idee, ogni idee un interès