gole
/-ò-/
go|le
[FO]
-
s.f.
part didentri dal cuel, par dulà che al passe l'aiar che si respire, ce che si mangje e ce che si bêf:
une tos, une tos come di murî i strenzeve intune smuarse la gole (Pieri Somede dai Marcs, Nardon e Vigjute di Nani);
une sgrisularie i cjapà il stomi intant che un rivoc gras, mâr e nauseôs i montave sù pe gole (Amedeo Giacomini, Tal ospedâl)
Sin. gargat
, gose
, sgrasaiâr
, cuel1
-
s.f.
passaç strent tra dôs parêts di cret:
tal desert de Tiere Sante, o dal Sinai, o intune gole di montagne jenfri i crets (Carlo Sgorlon, Il dolfin)
Sin. foradôr
, fôs
, fossôr
, glotidôr
, inglotidôr
, lavinâl
, sluc
, strentoi
, strete
-
s.f.
buse de muele par li che al cole a planc il forment di masanâ
Cfr. mulin
-
s.f.
grande passion o grande voie di mangjâ e di bevi:
gno nono Mario al veve une tâl gole di sgnape che e jere deventade il so mangjâ (AAVV, Sul florî);
cjale ce bielis cjariesiis… ce gole!
Cfr. golosarie
, goloseç
-
s.f.
(fig.)
desideri fuart:
lâ a Sante Catarine e je stade une gole che ducj i fruts dal Friûl a àn patît e che nissun al à fat di mancul di sodisfà (Riedo Pup, I furlans e Sante Catarine);
Nart, par so cont, nol stave plui te piel, de gole di jê, ma, visantsi di ce che i jere tocjât, al veve simpri pôre di parê disfaçât, libidinôs (Roberto Ongaro, Cretevierte);
o varès une gole osteade di mandâi une letarate (Antoni Beline, Sant Jacum, là che al finìs il mont)
Sin. brame
, desideri
, fam
, sêt
Polirematichis e espressions idiomatichis
Proverbis:
- cui che si maride pe dote si picje pe gole
- ind mace plui la gole che no la spade
- la gole e mene in malore
- la gole e tire in malore
- mai mangjâ i dêts par gole di cicin
- no bisugne fâsi fâ gole de robe a bon marcjât
- Sant Blâs e sante blasiole che a preservin il cuel cun dute la gole
- si vîf simpri cu la muart a la gole