sêt
sêt
[FO]
-
s.f.
bisugne e voie di bevi e sensazion fisiche che e ven de dibisugne di bevi:
i trê fantats a àn sêt, a domandin bire, aghe, ce che al è (Alan Brusini, Par stradis lungjis);
a vevin lassât un cjaldîr plen di aghe: i muarts a levin ator pal mont, chê gnot, plens di sêt (Gianfranco Pellegrini, Sium de Vilie dai Sants)
Cfr. arsece
, arsure
, arsetât
-
s.f.
dibisugne di aghe di bande di plantis e cjamps:
al veve fat une vore di cjalt vie pal dì, un cjalt fûr di stagjon, i orts a vevin sêt (Cristina Noacco, Faliscjis)
Cfr. sut
, sec
-
s.f.
(fig., eufem.)
voie e vizi di bevi alcolics:
doi amions di Breçà, une volte…, doi di chei che a distudavin la sêt dispès, a lerin a confessâsi a Feagne par vie che là, in chei timps, al jere un predi che al pative tante di chê sêt ancje lui, e duncje al leve di cane par lôr (Riedo Pup, Beâts i viei)
-
s.f.
(fig.)
voie o dibisugne une vore fuarte:
la nestre anime e à sêt di veretât, di libertât, di afiet, di dignitât, di comprension, di perdon (Antoni Beline, Sant Jacum, là che al finìs il mont);
il furlan intalianât, al è masse tacât ai siei idui […] al à sêt di peraulis, di bufulis, di mitologjiis, di sflocjis, di bausiis (Josef Marchet, Il manarin tal cûr)
Sin. brame
, bramosetât
, desideri
, fam
, fiere1
, gole
, ingordisie
, pice
, sbisie
, sbisiôr
, sbulie
, seneosetât
, smanie
, voie
Proverbis:
- ancje la aghe sporcje e distude la sêt
- cuant che il lôf al jes dal so foran, o che al à sêt o che al à fam
- di bevi al predi che il cleric al à sêt
- mangjâ co si à fam bevi co si à sêt, durmî co si à sium, cjiâ co si à sen
- ni ca dal miedi par ogni mâl, ni ca dal avocat par ogni lît e nancje po par ogni sêt ca dal bocâl
- no stâ fâ bevi il mus che nol à sêt
- pan pe fam, aghe pe sêt e jet pe sium
- sossedâ nol vûl mintî: o fam o sêt o sen di lâ a durmî o cualchi cjosse che nol olse a dî