pice  pi|ce  [CO]

  1. s.f. sensazion di ghiti, di becâ o di fastidi di une part dal cuarp:  plene di rogne e di pice che e je, Vera si gratarès vulintîr, ma di istès e procure di stratignîsi (Ivano Urli, Storie di Vera); la lane di piore e becave talmentri tant che ti vignivin lis vissiis tes gjambis, si veve une pice, une pice che cul gratâsi lis gjambis a jerin rossis (AAVV, Sul florî)
    Var. spice
  2. s.f. voie, brame, in gjenar improvise e irazionâl:  [Atile] al jere là, da pît des sôs muris, cuntune pice mate di netâ e di rafâ sù dut. Ma Aquilee no molave (Josef Cjargnel, Atile a Aquilee); cheste pice di domini, cheste volontât perverse di gafâ il cjâf e la cussience dai oms par ridusiju a imprest (Antoni Beline, Il buratinâr catodic)
    Sin. voie , brame , desideri , smanie
Proverbis:
  • se al pice il nâs, murie di sclâfs