spice
spi|ce
[AF]
-
s.f.
estremitât di alc che e devente a man a man plui fine:
formis gjeometrichis, cun spicis e cjantons (Erika Adami, Cence confins. Art cuintricorint e vierte al confront)
Sin. ponte
, pic
, spiç
, bec1
-
part plui alte di une mont o ancje di une culine o di cualsisei robe o struture alte:
lis spicis des monts si intenzevin tor intor di colôr ruan (Roberto Ongaro, Il muc);
e po, su la spice de culine, cualchi biel grop di bedoi o di peçs (Riedo Pup, I furlans e il zardin);
rifletôrs potents, no si sa dulà scuindûts, a fasin lusî la spice di ram dal cjampanili (Pieri Somede dai Marcs, L'ultin cordo)
Sin. ponte
, pic
, cime
, spiç
, cuc3
, piche
-
s.f.
(fig.)
complès di elements che a stan parsore intune scjale jerarchiche, intune scjale di valôrs e v.i.:
in spice de scjale [dai finanziaments] e je la Societât filologjiche furlane (11,23%) (Antonella Lanfrit, La tutele linguistiche come risorse economiche)
Sin. piche
-
pont, moment, fase di plui alte intensitât:
19 mil colegaments in dì, ancje se la spice si à vude lunis ai 4 di Avrîl cuant che i contats regjistrâts a son stâts 26 mil 940 (Redazion La Patrie dal Friûl, Speciâl Biblie: la direte Internet)
Sin. colm
, colme
-
s.f.
sensazion di alc che al beche o che al fâs ghiti, viôt pice
:
ur jere capitade une spice, ma une spice di no podê parâsi: […] si jerin jempladis di pulçs (Alan Brusini, Come tai romançs)
-
voie che si fâs fadie a stratignî, viôt pice
:
mi ven la spice di spudâ une constatazion pluitost brutote (Arturo Feruglio, Viaç a Vignesie)
Proverbis:
- spice di cûl, bondance di fave
- spice di cûl, murie di feminis