Dizionari de Lenghe Furlane

bec¹  /-è-/  bec  [AF]

1. s.m. carateristiche struture cornie de bocje dai uciei, e ancje di cierts retii e dai mamifars dal ordin dai Monotrems:  i ôcs ur zigavin di rassanâts, cul bec indenant, viert di fâ pôre (Maria Forte, I ôcs di Miute); [il corvat] al veve une sgrife insanganade, insanganât il bec insin ai voi (Catarine Percude, Il cjan blanc di Alturis)
2. s.m. (fig., meton.) uciel:  soi stât dute la matine in oselade e no ai sintût un bec (Giulio Andrea Pirona, Ercole Carletti, Giovanni Battista Corgnali, Il Nuovo Pirona); [siôr Coleto a cjace] ce aial fat? Une folope: / se al à copât un bec, mi vegni un ton (Pieri Mation, Si viarç la cjace… e la oselade)
   
   1. (fig.) bocje, ancje di persone:  al tacà a contâi dute la sô vore. Il professôr al restà a bec viert (Stiefin Morat, Claps)
   2. (fig.) in espressions negativis, cualchidun, nissun:  la gnot e scuindeve e e tignive dongje. Nancje un bec vie pes stradis (Maria Forte, Sul cjar di Pauli Gurin); te ostarie nissun, nancje un bec di aventôr. Nissun daûr il banc (Alan Brusini, Gian Paolo Linda, I forescj)
   3. soredut in espressions negativis, cuantitât minime:  no cuistarin nancje il bec di un centesin (Vico Bressan, Scussons)
3. s.m. (fig.) cualsisei struture o forme a ponte:  la glesie de Plêf cul soreli sui cops e vignive fûr tal mieç des cjasis di Cente, come une clocje cul bec dal cjampanili par aiar (Dino Virgili, La aghe da pît la cleve)
   Sin. ponte , spiç , spice
   
   1. part a ponte di bocâi o sim. o ancje canele in butiliis e v.i. che e covente par indreçâ il licuit cuant che si strucje:  mi jemple la tace cul vin blanc strucjât da un butilion e lu sporcje cul bitter di une butilie cul bec (Alan Brusini, Gian Paolo Linda, I forescj)
      Cfr. pipul
4. s.m. molete sutile di metal par tignî in plee i cjavei
5. s.m. [TS] artes. imprest formât di un mani cuntune estremitât plache e pesante, par bati la tiere o pedrâts, salisâts e v.i.
   Sin. becanele , peston , dame³ , tichetuche

Polirematichis e espressions idiomatichis

• a bec sut loc.av., loc.adi.inv.
• bagnâ il bec loc.v.
• bagnâsi il bec loc.v.
• fâ il bec a lis moscjis loc.v.
• fâ il bec a lis stelis loc.v.
• fâ il bec aes moscjis loc.v.
• fâ il bec aes stelis loc.v.
• meti bec loc.v.
• meti il bec loc.v.
• vierzi bec loc.v.
• vierzi il bec loc.v.

Proverbis:

• a fâi ben al om ingrât, si reste bec e bastonât
• cui che i fâs ben al om ingrât al reste bec e bastonât