Dizionari de Lenghe Furlane

pic  pic  [AF]

1. s.m. forme o struture a ponte, part di alc li che si zontin dôs bandis o part estreme di alc:  [il barbîr] i ficjave tal golâr i pics dal suieman (Gianni Gregoricchio, Delchi); suspîrs, e forsit cualchi lagrime, suiade di scuindon tal pic dal grumâl (Franca Mainardis, Il sium di Lissandri); al poià la tace sul pic de taule (Dino Virgili, La aghe da pît la cleve)
   Sin. piche , ponte , spiç , spice , cjanton
2. s.m. part plui alte di un rilêf, soredut di une mont, ancje in oronims o microtoponims:  un fregul di blancôr al vignì sù dai pics indarintâts des monts (Pieri Somede dai Marcs, La letare de mame); a si jodeva la Miduna slargjâsi e deventâ fonda sot il pic di Grimau (Novella Cantarutti, Il Bolp)
   Sin. cuc³ , piche , cime , spiç , spice , çuc
3. s.m. (fig.) pont plui alt o intens o favorevul di un fenomen:  il regjim pluviometric al mostre di norme doi pics stagjonâi (Mauro Pascolini, Andrea Guaran, La mont furlane)
   Sin. colm , colme , piche , spice
4. s.m. ognidune des formis vegjetativis che a componin la corone di une rose intor dai orghins de riproduzion:  Norine e cjapà sù une margarite par contâi i pics (Domeni Zannier, La crete che no vai); lis piçulis rosis blancjis e rose [dal ruscli] a àn sîs pics (Giorgio Pascoli, Il Litum: jerbis salvadiis te cusine)
   Cfr. fuee
5. s.m. ognidun dai ponts di li che e nas une part vegjetâl gnove tun tubar o sim.:  i pics des patatis (Giulio Andrea Pirona, Ercole Carletti, Giovanni Battista Corgnali, Il Nuovo Pirona)
   Sin. voli , picot
6. s.m. spec. tal pl., contrazion de piel, par vie di sgrisui di frêt, di emozion o sim., che e fâs in maniere che la piel e dedi sù in piçui rilêfs in corispondence dai pêi:  joisus mari, ce che al sucedè ta chê gnot! Mi vegnin i pics nome a pensâ! (Josef Cjargnel, La liende di Fondâs)
   Cfr. piel di ocje , vignî ogni pêl un pan
7. s.m. imprest fat di un mani fuart e lunc cun insom un fier, spiçât di une bande o di dutis dôs lis bandis, doprât par rompi materiâl tant che tiere, cret e altri:  a nal saveva fâ âtri misteir di chel da manezâ pic e maçuela par mandâ a tocs crets di masegn (Novella Cantarutti, Il maestri di teraçs)
   Sin. picon
8. s.m. [TS] ornit.com. non des speciis di uciei de famee dai Sitidis e dai Picidis, caraterizadis di un bec fuart e spiçât che pal solit a doprin par sbusâ len e cirî di mangjâ insets xilofacs:  restâ inmagât di dut chel vert, dai pics che a batin il timp, i sghirats che ti corin dongje o des badasculis (Raffaele Serafini, Soreli jevât a mont); sintî il pic tal bosc, cuant che al fore un len par cirî il viar (Josef Marchet, Lis predicjis dal muini)
9. s.m. [TS] entom.com. non comun di plui coleotars de famee dai Curculionidis, caraterizâts de presince di un bec lunc
   Cfr. grison¹

Polirematichis e espressions idiomatichis

• a pic loc.av., loc.adi.inv.

Proverbis:

• cui che al mangje cjar di pic nol devente ric
• pic pic, il taiepiere nol deventarà mai ric: finît di picâ, finît di mangjâ