fuee
/-ué-/
fue|e
[FO]
-
s.f.
ognidun dai orghins des plantis che a coventin a cjapâ la lûs dal soreli e par respirâ, pal solit placs e sutîi, di colôr vert:
tal curtîl lis fueis dal morâr a jerin dutis zalis, e a 'nd jere un slac ancje par tiere (Carlo Sgorlon, Prime di sere);
si mangjave nome polente e formadi e vadì, de fieste, dôs fueis di lidric par cambiâ (Pieri Menis, Une letare par Bepo);
i « risi e bisi» si fasin cul pestât di savôrs e cualchi fuee di fenoli (Arturo Feruglio, Viaç a Vignesie);
al jere sentât in bande, blanc in muse come un peçot e tremant tant che une fuee di pôl (Pieri Menis, Il fi de Rosse)
Var. fueie
, foie
-
s.f.
[CO, TS]
zool.
(par anton.)
cuantitât di fueis di morâr che si dan di mangjâ ai cavalîrs:
il mês di Mai, che jê e jere lade a fâ fuee pai cavalîrs tal Pradat, al jere vignût sù un burlaç cun lamps e tons di fâ pôre (Pieri Menis, Il fi de Rosse)
-
s.f.
ognidun dai tocs de rose che al forme come une corone, dispès di colôrs:
a àn spandût fueis di garofui colôr di rose, rossis, blancjis, in maniere che la strade e pari propit un tapêt di rosis (Pieri Somede dai Marcs, Corpus Domini);
una sola rusita blancja cun cinc fueis venadi di ros (Novella Cantarutti, Cuant che la cjera a samea mê mari)
Sin. pic
-
s.f.
lamine fine di metal o di altri materiâl:
l'indoradôr al si è rangjât cul gratâ vie dutis lis doraduris di fuee di zechin cambiantlis cun purpurine (Pieri Somede dai Marcs, La Madone dai siet dolôrs)
Sin. sfuei1
-
s.f.
[CO]
(fig.)
dal vin, an di invecjament:
e si torne a scolâ cualchi bocâl; / al è vin di dôs fueis, che nol fâs mal (Pieri Çorut, Il tratôr galantom);
«Cetantis fueis puedial vê chest vin? …» al domande il zovin (Pieri Menis, Doi pizighets e un lari)
Polirematichis e espressions idiomatichis
Proverbis:
- cuntune fuee si juste cuntune fuee si disjuste
- no cole une fuee cence il permès di Diu
- ogni fuee e à il so mani
- putropis fueis, pocjis ciespis
- se Diu nol vûl, no si môf une fuee di pôl
