sfuei1
/-é-/
sfuei
[FO]
-
s.m.
toc di cjarte cuadrangolâr:
o ai presentât un sfuei li che o vevi metût jù a man trê ponts ben clârs, e ducj a àn firmât cence bati cei (Adrian Cescje, Memoriis di politiche linguistiche);
al tirà fûr un sfuei di cjarte e al tacà a jemplâlu di schiribiçs (Fabian Ros, La rambe);
[la paste di fâ biscots] e pues jessi un pôc tacadice e alore si pues tirâle jenfri doi sfueis di cjarte di for (Sandri Carrozzo, Carquinyolis)
Sin. cjarte
Var. fuei
-
pagjine leade di un libri, cuader o sim.:
al tirà fûr un libron che al cjapave dut il taulin, si sentà da gnûf lecantsi il dêt poleâr. Al voltave cjarte, il sfuei grant al scrosopave (Dino Virgili, La aghe da pît la cleve)
Sin. cjarte
, pagjine
-
s.m.
publicazion periodiche di informazion:
Laurinç si invià a planc, cjalant la int e fermantsi cu la calme a lei i titui dai sfueis tes ediculis montadis sui cjaruts (Agnul di Spere, In viaç di domenie);
a vendevin gjornâi pes stradis di Pescara vosant che la vuere e jere finide. E ducj a compravin il sfuei e si fermavin a lei cheste grande novitât (Alan Brusini, Come tai romançs);
noaltris autonomiscj di ponte, cun dutis lis dificoltâts che o viodevin e che ogni dì ancjemò o scugnìn superâ, o vin volût un sfuei te nestre lenghe da cjâf a pîts (Josef Marchet, La fuarce dal nestri lengaç)
Sin. gjornâl
-
s.m.
[TS]
codicol.
supuart scritori, cjarte o pergamene, pleât in doi par formâ dôs cjartis
-
s.m.
document, modul:
a Toni i pareve fin dal impussibil di jessi deventât paron de tiere cuntun sfuei di cjarte bolade e cuntun pacut di cjartis di mil (Pieri Somede dai Marcs, La braide)
Sin. cjarte
, document
, modul
-
s.m.
(coloc.)
cjarte monede:
ogni dì che al stave ta la ostarie i svolave vie de sachete un sfuei di mil, e ancje di plui (Carlo Sgorlon, Prime di sere)
Sin. biliet
, biliet di bancje
, cjarte monede
, cjarte
-
s.m.
lamine fine:
mi à conseât di no cjoli la piere dai fossôrs di culenci. Al à dit che la piere dal paîs no vâl nuie… Che e devente scure dal moment, e po e va vie a sfueis come un libri (Maria Forte, Cjase di Dalban);
«Cjalait ce che o ai cjatât a Buie» dissal. «Al è un sfuei di balestre di moto. Açâl, savêso. Cjalait» (Carlo Sgorlon, Prime di sere)
-
s.m.
[CO, TS]
itiol.com.
non comun dai pes di mâr che a apartegnin ae famee dai Soleidis, di forme plache e cun ducj i doi i voi di une bande dal cjâf, pescjât e preseât in gastronomie, viôt sfuee