modul
/mò-/
mo|dul
[AF]
-
s.m.
element, esemplâr, forme o misure di riferiment
-
s.m.
element fat in serie, cun carateristichis compagnis che al permet plui composizions:
[il materiâl fotovoltaic] al à di sedi laminât in fueis plans e inserît in modui dentri curnîs duris di alumini (Lorenzo Marcolini, Lis celis organichis nanostruturadis)
-
s.m.
sfuei cuntune part di test za preparade e standardizade, che si à di completâ par dâ informazions, fâ domandis e v.i.:
cheste int [che e à di paiâ lis tassis] e ricêf il modul za pront, cu la cifre za stampade. E paie e scjao (Riedo Pup, Par paiâ al vûl mistîr);
e je a pene jessude une gnove circolâr a proposit dai modui pe opzion dal insegnament dal furlan (Fabian Ros, Scuele, situazion critiche)
Sin. formulari
-
s.m.
part di un dispositîf o di un sisteme che e à sôs carateristichis che le individuin, che e pues jessi gjavade, cambiade e v.i.:
In Jude3, come in cualsisei tradutôr automatic a trasferiment, un dai modui plui impuartants pal bon funzionament al è chel di disambiguazion: vâl a dî che une part dal program e cîr di distingui in maniere automatiche a ce leme assegnâ une peraule de lenghe di origjin (Sandri Carrozzo, Franz Feregot, La elaborazion di un corpus etichetât de lenghe furlane scrite: esperiments e prospetivis)
-
s.m.
part autonome di un percors didatic, cun siei obietîfs e sôs carateristichis metodologjichis:
il master […] si davuelç di Zenâr a Jugn e al è dividût in dodis modui: par ognidun di chescj, i students a àn di superâ un esam (Piero Cargnelutti, Master sul cafè. Borse di studi par vivi une esperience formative uniche)
Sin. modul didatic
, modul formatîf
-
s.m.
sisteme o complès concetuâl di riferiment che al ispire e al caraterize une azion, une espression e v.i.:
«Dome li si cjate la nestre culture musicâl, che e je caraterizade di un " modul musicâl" specific», al conte Lino, «a vegnin dopradis ciertis notis, al è simpri un ciert gjenar di disvilup, di durade, di struture e la jentradure e je modâl e no tonâl» (Natascia Gargano, Lino Straulino: vuê al è plui anticonformist cjantâ vilotis che no cjantâ rock ‘n roll)