document
/-è-/
do|cu|ment
[FO]
-
s.m.
cjarte scrite, soredut inte sô funzion di dimostrâ o certificâ alc, sedi a nivel privât che public:
jenfri il 1977 e il 1979 il Comitât popolâr pe Universitât dal Friûl al tirà sù cirche 125 mil firmis sot di un document che al domandave al stât talian di dâ ancje al Friûl un so centri di studis academics (Max Mauro, Un Friûl difarent: i 90 mhz di Onde Furlane);
[il grisonês] al è doprât intai documents publics e intai ats uficiâi dal guvier cjantonâl (Josef Marchet, Autonomie e lengaç);
pre Checo al veve zirade la letare a pre Antoni Beline, che i rispuindeve cuntun document biel lunc (Adrian Cescje, Memoriis di politiche linguistiche);
i documents di ûs pratic de Ete di Mieç, de tarde Ete di Mieç, a son ancje pal Friûl lis fonts plui interessantis pal studi dal volgâr dai prins secui (Federico Vicario, Documents de Ete di Mieç pal studi dal furlan antîc)
Sin. at
, cjarte
, scriture
, scrit
-
certificât, in formât di tessare, piçule schede, sfuei e v.i., dât fûr di une autoritât cui elements par identificâ une persone o un mieç:
un tacuin cun pôcs bêçs e un document di identitât cul non Eve Nissim Lucchin (Carlo Sgorlon, Ombris tal infinît);
la polizie mi à fermât e domandât i documents
-
s.m.
testemoneance, soredut dal passât e soredut scrite, ma ancje di altre sorte, tant che opare di art, repert archeologjic e v.i.:
Pavle Merkù […] al à ingrumât centenârs di documents etnografics (Celso Macôr, Jentrade a Sacheburache);
mi rindei cont alore che la arme [une ponte di lance langobarde] e podeve sei un significatîf document storic dal nestri teritori (Lucio Perès, Une lance longobarde cjatade a Baracêt)
Sin. monument
, prove
, testemoneance
-
s.m.
[TS]
inform.
imagjin o file di test:
salvâ un document in pdf