monument
/-è-/
mo|nu|ment
[FO]
-
s.m.
opare artistiche o storiche par memoreâ un fat, une figure impuartante:
la Cumission pal Monument al nestri grant Garibaldi, e à dât il so vôt par che al sei fat a pît [e no a cjaval] (Guido Antonioli, Florean dal Palaç, II, 11)
Var. molument
-
(par anton.)
monument ai muarts in vuere:
tal so paîs [il gjelatâr] al lave a plaçâsi sot i teis dongje dal monument, si podeve cjatâlu là vie ogni daspomisdì di Istât, a dôs (Agnul di Spere, Un sorbet di limon);
no savarès di ce bande scomençâ un discors come chel che o fasês vô dal barcon dal Comun o denant dal monument (Roberto Ongaro, Il muc)
-
s.m.
document, opare o repert di grant valôr artistic o storic:
il Parlament […] e lis Costituzions de Patrie, che a son il monument dal dirit furlan, a son i segns plui clârs de maturitât politiche e civîl de societât furlane [medievâl] (Gian Carlo Menis, Storie dal popul furlan);
une citât plene di biei monuments (Checo Tam, La maree nere)
-
s.m.
piere tombâl o tombe:
se [il cuintribandîr] al veve plui sacs [di tabac] la robe le scuindeve tai monuments vueits dal cimitieri (Alan Brusini, Par stradis lungjis);
une fumate grise, frede, sirocâl e infagotave i pins alts e neris e i monuments blancs des sepulturis (Pieri Somede dai Marcs, I "resti")