scrit
scrit
[FO]
-
p.pass., adi.
viôt scrivi
, viôt scrivisi
-
adi.
fat o che si fâs cu la scriture, cui segns grafics:
no jerin disponibilis dutis lis fonts diretis che a coventaressin par un vêr lavôr di ricercje storiche, vâl a dî documents scrits e, soredut, regjistrazions audio des trasmissions (Max Mauro, Un Friûl difarent: i 90 mhz di Onde Furlane);
al è dome dal 1971 che Giovanni Frau, pe prime volte, al bute peraule di une declinazion pai sostantîfs, tal timp prin des primis testemoneancis scritis de lenghe (Zorç Cadorin, Cualchi ipotesi sul furlan di prin di scrivilu);
o ai presentât un document scrit, articolât in obietîfs di azion, dividût par categoriis di intervent (Adrian Cescje, Memoriis di politiche linguistiche)
-
adi.
che al à parsore un test:
i rive un libri che al à dentri un piçul sfuei scrit par latin (Pierluigi Visintin, Friûl e furlans te Histoire de ma vie di Giacomo Casanova);
là sù, su la strade, e je une piere scrite: «Strada di Germania» e une frece e mostre de bande des monts di Cjargne (Dino Virgili, Il mulin)
-
adi.
(fig.)
di carateristiche, umôr, pinsîr o ancje di colpe e v.i., pandude de espression:
Catina, ridusuda jê femina in voi, mans e gnerf, a tirâ sù sio fi cu li scarpeti, a veva scrit su la musa la passiensa, duta chê che a i coventà par vivi (Novella Cantarutti, Scarpeti);
i disevin che la bausie si viodile a cori pal nâs: i pareve di vê scrit tai voi, sui lavris, te muse: «O ai bussade Gjine…» (Dino Virgili, Dôs feminis e un frut);
la felicitât e je scrite intai voi di chei zovins (Cristina Noacco, Faliscjis)
-
adi.
[BF]
(fig.)
decretât, destinât:
salacor al jere scrit intal libri dal timp che o varessin tornât a cjatâsi (Gianni Gregoricchio, Trê feminis)
Sin. destinât
, fissât
-
s.m.
cualsisei test rapresentât di segns grafics:
par cirî di fâle finide cun dutis chestis mormorazions Cavedalis al preparà un scrit difensîf […] par che lu publicassin tai gjornâi (Giovanni Pillinini, Zuan Batiste Cavedalis - Une vite esemplâr);
i scrits di Camillo a forin publicâts dopo de sô muart, e nancje ducj (Mario Turello, Il brevet);
li letari dal biât om a vevin implenât na cassiluta che Rosa a tigneva platada tal salâr e il cour di jê al veva tacât a fâ cinisa, a provâ gust e spasim smamîts cuant che a leeva i scrits che a rivavin (Novella Cantarutti, Li Anzuliti)
-
prove che si fâs scrivint e no fevelant:
preparâsi pal scrit di matematiche
Sin. esam scrit
, compit scrit
, prove scrite
-
adi.
che al à un aspiet che al somee cuviert di segns, riis, ponts e v.i.:
fasûi scrits;
un garoful scrit (Giulio Andrea Pirona, Ercole Carletti, Giovanni Battista Corgnali, Il Nuovo Pirona)
Proverbis:
- a àn cjatât scrit te sacre scriture: che a lavorin i viei che a àn la piel dure
- ce che al è scrit al è scrit
- ce che al è scrit in cîl, nissun no lu disfe in tiere
- ce che al è scrit, si leilu