destinât
des|ti|nât
[FO]
-
adi., s.m.
che, cui che al à il futûr za segnât, che al è fissât che al vedi di sucedi:
si visave ancje di chei che a vevin pierdude la strade di cjase, destinâts a lâ pal mont dute la vite cence plui tornâ (Alan Brusini, Come tai romançs);
se al è destinât, si viodarìn une altre dì cun altris voi (Antoni Beline, Sant Jacum, là che al finìs il mont)
Sin. condanât ipon.
, predestinât
, segnât
, votât
, fissât
, decidût
, avodât
Var. distinât
-
che, cui che al à di vê un ciert futûr che si capìs dal contest:
si cjalavin tai voi e si capivin benon. Jerin distinâts. […] Si àn ancje cjolt di cûr (Dolfo Zorzut, No je plui vive)
-
adi., s.m.
che, cui che al è stât sielzût par une cierte funzion, incarghe e v.i.:
i teatris a son struturis publichis destinadis ae formazion coletive (Adrian Cescje, Viaç aes origjins dal Logos);
l'orari destinât aes diviersis materiis dal curriculum al è organizât in mût flessibil (Patrizia Pavatti, Il furlan al è rivât tes nestris scuelis. Si met in vore il Regolament pal insegnament de marilenghe in regjon)
Sin. nomenât
, assegnât
, dedicât
, impegnât
-
adi.
che al è stât sielzût par lâ a cdn., massime in futûr o in ereditât:
Eve e fo clamade tal scritori di un nodâr di… par sintî la leture dal testament di Madame. La vile cun dut chel che al jere dentri, propit dut, al jere destinât a jê (Carlo Sgorlon, Ombris tal infinît);
l'oru di vuestra mari al è distinât a li fiis cun dut ce che al resta da la sô dota. E, da chesta cjasa, a nal à da sal (Novella Cantarutti, I cunfins)
-
adi.
che al à tant che destinatari, che al à di jessi dât o mandât a cdn.:
il secont biliet al jere destinât a Aaron; ancje a lui pocjis riis, ma incolmis di afiet, di racomandazions, di graciis par dut chel che il frut al veve fat par lui (Franca Mainardis, Aiar di cjase);
al butà jù, cussì, une cjarte destinade a un altri dotôr, che di lui si fidave (Fabian Ros, L'om che al pierdeve pinsîrs pe strade)
Sin. indreçât
Proverbis:
- cuant che al è destinât no vâl ni miedi ni medisine
- il pan che al è destinât pai siei dincj, nissun no lu mangje
- il pan destinât pai tiei dincj nissun no lu mangje