scrivi
scri|vi
[FO]
-
v.tr.
(ancje ass.)
rapresentâ une lenghe, un test, une peraule e v.i. cun segns grafics convenzionâi:
o racomandìn di scrivi simpri cuant e no mo cuant mo cuan o cuan' (Xavier Lamuela, La grafie furlane normalizade);
«Sâstu scrivi il to non Ulive?» i domandà il vecjo. «Magari! … No sai scrivi» e rispuindè e un ros lizêr i impià la muse (Maria Forte, La tiere di Lansing)
-
ancje in costruzions impersonâls, rapresentâ daûr di une cierte norme grafiche:
Vanni si scrîf cun dôs enis (Dino Virgili, Emme come mamma)
-
v.tr.
(ancje ass.)
dâ dongje un messaç, comunicâ par scrit, ancje par corispondence:
al veve scrite une letare par visâ che a rivavin, ma nol veve vude rispueste (Franca Mainardis, Il sium di Lissandri);
cuant che tu varâs capît, come che o speri, scrivimi (Enrico Martina, Ricuarts e inlusions)
-
v.tr.
(ass.)
di un imprest di scriture, fâ un segn, funzionâ:
mi prestistu une pene che e scrivi?
-
v.tr.
componi un test, ancje di une cierte complessitât, o ancje une opare leterarie, sientifiche, e v.i.:
Cavedalis nol veve intenzion di scrivi propit un libri di storie, ma dome di contâ i fats che al veve viodût (Giovanni Pillinini, Zuan Batiste Cavedalis - Une vite esemplâr);
Ida Vallerugo, che par furlan e à scrit libris tant che «Maa onda» e il gnûf «Mistral» (Walter Tomada, Pierluigi Cappello: «L’om plui concret? Il poete»)
-
(ass.)
dâ dongje un test mostrant une cierte capacitât o doprant un ciert stîl:
vevio scrit tant mâl di meretâ un cuatri, […]? (Pieri Somede dai Marcs, Un cuatri in italian)
-
v.tr.
meti intune liste:
par vie dal fi muart lu vevin scrit al fassio cence nancje visâlu (Alan Brusini, La cartuline)
Sin. notâ
, meti in note
Var. iscrivi
, inscrivi
Polirematichis e espressions idiomatichis
Proverbis:
- la cjarte si lasse scrivi
- la gratitudin e à di jessi scrite su la piere, la ingratitudin sul savalon
- letare scrite e je mieze spedide
- scrite la letare, cjatât l'incuintri
- su la cjarte si po scrivi ce che si vûl
- un biel tasê nol fo mai scrit