scriture
/-ù-/
scri|tu|re
[FO]
-
s.f.
rapresentazion dal lengaç cun segns grafics convenzionâi:
la plui part de int e fevelave lenghis cence scriture (Franc Fari, Il cjâf dai furlans);
la plui part di chei che pretindin di scrivi par furlan, lassant in bande che no san a ce sant avodâsi par puartâsi fûr cu la scriture, ce lengaç isal chel che a scrivin? (Josef Marchet, Fevelâ ben)
Cfr. grafie
-
s.f.
maniere di fâ i simbui grafics par rapresentâ il lengaç:
al segnave adasi adasi cuntune scriture a vongulis date, non, cognon e localitât (Lucio Perès, Vigji il vuardian);
ur veve insegnât a scrivi cussì ben che la scriture e someave une piture (Riedo Pup, I furlans e il mestri)
Sin. caligrafie
, grafie
-
[TS]
tipogr., paleograf.
complès di segns grafics o tipografics cu la stesse forme:
[Carli il grant] al veve creât une academie dulà che e je nassude ancje la famose scriture caroline (Francesc Placerean, La nestre storie);
po al fermà i voi, ancje lui, su chel libri. Une scriture [chê cui caratars gotics] e une lenghe [il todesc] che nol saveve lei (Maria Forte, La tiere di Lansing)
-
s.f.
capacitât e pratiche dal scrivi:
e veve la furbarie di une femine furbe dal popul cence savê un pont di scriture (Maria Forte, Mabile la Lunghine)
-
azion di scrivi:
[la Cjarte di Chivasso] al è stât il pont di riferiment pe Costituente te scriture dal articul 6 de Costituzion (Marc Stolf, La Leç 482/1999 tai servizis sanitaris. Pes lenghis, pai dirits e pe salût)
-
test rapresentât cun letaris o altris segns, spec. se al è avonde curt:
la scriture che a àn rigjavade te piere sot i barcons, abàs, ce significât varessie? (Arturo Feruglio, Viaç a Vignesie)
Sin. scrite
, iscrizion
-
cualsisei test rapresentât cun letaris o altris segns, ancje lunc:
lis solis scrituris par furlan che a comparivin su Friuli d'Oggi a jerin documents leteraris (Adrian Cescje, Memoriis di politiche linguistiche)
Sin. scrit
-
s.f.
il scrivi cun finalitât artistiche e lis oparis che a son il risultât dal scrivi cun finalitât artistiche:
o viôt un grandissim interès pe scriture teatrâl (Erika Adami, Voie di teatri in lenghe)
-
stîl di scrivi:
al è un test li che si sint la influence di Marguerite Duras. Une scriture poetiche e ripetitive (Fabian Ros, Il cine di Jordi Cadena);
[Antoni Beline] al scrîf come che al fevele, la sô scriture e je une sorte di omelie continue savonaroliane, cu la stesse viamence di chê figure rivoluzionarie (Adrian Cescje, Memoriis di politiche linguistiche)
-
s.f.
document cun valôr legâl, spec. che al regjistre un contrat o un altri at juridic:
e saltave fûr une altre scriture dulà che il cont di Gurize al vendeve a Valeri Bertolt di Spilimberc une vore di possessions e dirits (Franco Marchetta, Madalene);
al tirà fûr une cjarte, si sigurà che il penin al jere bon, po al butà jù dôs riis di scriture (Maria Forte, La tiere di Lansing)
-
s.f.
[TS]
reson.
regjistrazion scrite in libris, regjistris o schedis di moviments di bêçs o di marcjanziis, di debits, credits o di altris fats aministratîfs
-
credit di un client scrit tai regjistris di une bancje o di altris entitâts finanziariis
-
s.f.
[CO, TS]
religj.
ancje tal pl., ancje maiusc., viôt sacre scriture
:
lis scrituris a fevelavin simpri di «ream dal cîl» (Carlo Sgorlon, Il dolfin);
ae epoche de realizazion dai mosaics, dome une élite cetant limitade e veve acès ae leture des Scrituris (Christian Romanin, Il valôr di Aquilee al è vuê, te cussience di une identitât);
dal moment che inte Scriture dut al è impuartant, soredut i particolârs, al è il câs di fermâsi un lamp sun chest inizi de predicazion dal vanzeli (Antoni Beline, Sant Jacum, là che al finìs il mont)
Proverbis:
- cui che nol sa lei la sô scriture al è un mus par nature