scrite scri|te [FO]
- s.f. test, pal solit curt, cun funzion di avîs, di informazion, di insegne, di titul, di intestazion o ancje di espression artistiche, identitarie o vandaliche e v.i.: sul fronton a stavin tacant sù une insegne rosse li che si podeve lei la scrite Panasian Bank (Fabian Ros, La rambe); ducj i mûrs a jerin piturâts di cjalcine cu la scrite: «Viva il 38. '38 Classe di ferro!» (Carlo Sgorlon, Prime di sere); al veve cjatât la tombe di sô mari, une crôs di piere bielzà maglade des lichens, cuntune vecje fotografie smamide e une scrite di leton: non, date di nassince e di muart (Franca Mainardis, Il sium di Lissandri); da pît dal poeme, par jenfri di dôs strichis orizontâls, e je la scrite «Ultimade i dîs di Avost 1864» (Zorç Cadorin, Doi autografs di Toni Broili framieç dai manuscrits furlans di Berlin conservâts a Cracovie)