Dizionari de Lenghe Furlane

biliet  /-èt/  bi|liet  [AF]

1. s.m. piçul toc di cjarte cun sù scrit un messaç, une note o sim.:  al spietave cul cûr in man i biliets che [so fi] i scriveve de Grecie, e i rispuindeve subit letaris lungjis (Riedo Pup, Dreute); si passavisi cualchi biliet di scuindon, indulà che si veve scritis chês robis che no si rivave a dîsi (Meni Ucel, Otavari a Madone)
   Sin. sfueut
   Var. bilgjet
2. s.m. toc di cjarte o ancje di altri materiâl, stampât, che al documente il dirit di jentrâ in ambients, di lâ a viodi spetacui, di viazâ su mieçs di traspuart e v.i.:  un spetacul che al meretave paiât il biliet par jentrâ a viodilu (Josef Marchet, Lis predicjis dal muini); Lui partiva ogni sabida dopomisdì cul treno da lis cuatri e ogni volta viodeva chê signorina, che comi lui cjoleva il biliet par Gurissa, par lâ e tornâ (Ranieri Mario Cossâr, Olga, se enigma)
   Sin. jentrade
3. s.m. il sfueut numerât par partecipâ a di une lotarie, pescje e v.i.:  dute la int i domandave de fieste e de pescje e si lamentave dal stragjo dai biliets blancs. Pre Pitin, cuntune impuartance osteade, ur spiegave che il bonsignôr al veve lui i biliets bogns e nol voleve metiju dentri tal bussulot (Antoni Beline, Pre Pitin)
4. s.m. cjarte monede:  [il diretôr de bancje] al tacave a contâ i macuts di biliets e il contabil a plaçâju te cassefuart (Fabian Ros, La rambe); nasâ il profum dai biliets di cent (Stiefin Morat, Donald dal Tiliment)
   Sin. biliet di bancje , cjarte , cjarte monede , sfuei¹

Polirematichis e espressions idiomatichis

• biliet di visite loc.s.m.