jentrade  /-à-/  jen|tra|de  [FO]

  1. s.f. puest par li che si jentre intun edifici o intun spazi sierâtsu la jentrade esterne de scuele, che e je fate un tic a sotpuarti [...], lis mês classis di seconde e tierce a àn recitât [...] I Turcs tal Friûl (Adrian Cescje, Memoriis di politiche linguistiche); la aule Teodoriane Nord e vignì trasformade intun spazi a trê navadis (aule postteodoriane Sud) cuntun gnûf grant batisteri devant de jentrade principâl (Domenico Visintini, Lis Termis Romanis e la Basiliche Patriarcjâl di Aquilee studiadis midiant lis modernis tecnichis di rilevament e di rapresentazion); un curtîl plen di urtiis e cuntun vecjo figâr che al mandave fûr i siei ramaçs parsore il puartel de jentrade (Pieri Menis, La gjate)
    Sin. ingrès, acès
    Var. entrade
    1. prime sale di un edifici, a pene daûr de puarte principâlal passà la puarte dal repart e si cjatà te jentrade là che a jerin i assensôrs (Amedeo Giacomini, Tal ospedâl)
    2. puest par dulà che si jentre intune cierte zone, ancje no delimitade in maniere fisiche o clareal rive il predi gnûf e ducj si dan da fâ par cori a spietâlu su la jentrade dal prin borc (Roberto Ongaro, Il muc)
  2. s.f. il jentrâ, il lâ dentriin chel e rivà la comari. La sô jentrade, compagnade di une bugade di frêt tacade intai vistîts, e fo come un scjas di vite. E jemplà la cjamare cul so voson (Gianni Gregoricchio, Trê feminis)
    Sin. ingrès, jentrâ, acès
    Cfr. jentrâ
    1. pussibilitât di lâ a di un spetacul, di lâ dentri di un puest par visitâlu e sim.paiâ il biliet di jentrade (Roberto Ongaro, Cretevierte); la jentrade al spetacul di vinars e je libare (Erika Adami, Musiche di dute Europe)
  3. s.f. bêçs cjapâts, vuadagnâts o scuedûtsa podevin spindi scuasit dutis lis lôr jentradis in cuadris dai lôr pitôrs preferîts (Carlo Sgorlon, Ombris tal infinît); [te seconde metât dal Votcent] il stât talian al è puar e par fâ cressi lis jentradis al met une tasse su la produzion di galete e su la masanadure de farine (Rino Gubiani, Studi da la evoluzion dal paisaç mediant i toponims)
    Sin. beçolade, civanz, incàs, introit, profit, redit, reon, util, vuadagn
  4. s.f. curt scrit o discors in principi di un libri, relazion, di un discors plui lunc, di une schirie di discors e v.i.«Al è un libri fat dal popul», mi scrîf Zuan tal mandâmi, par che o meti jù une pagjinute di jentrade, i sfueis di prin ingjustri cui tescj ancjemò a slas (Celso Macôr, Jentrade a Sacheburache); mi tocjave a mi di fâ il discors di jentrade, daspò dai salûts di circostance dai politics invidâts (Adrian Cescje, Memoriis di politiche linguistiche)
    Sin. cjapiel, esordi, preambul, prefazion, premesse, principi, prolic, viertidure, introduzion
  5. s.f. il tacâ une ativitât, une profession, un impegn in cualchi setôr e v.i.e jere stade proponude une sô jentrade [di Federico Rossi] inte politiche ative (Max Mauro, Un Friûl difarent: i 90 mhz di Onde Furlane); la jentrade in vuere de Italie e à puartât a une paralisi dai moviments migratoris pal forest (Matteo Ermacora, La emigrazion furlane in Austrie e in Gjermanie)
  6. s.f. il tacâ a funzionâ o a jessi doprâtparcè tal 2001 la jentrade dal euro e à fat cressi i presits cussì tant in Italie [...]? (Patrizia Tiberi Vipraio, Euro o no euro: isal chest il probleme?)
    Sin. introduzion
  7. s.f. il tacâ a fâ part di un grupil referendum cravuat pe jentrade [te Union Europeane] al à vût il 66% di sì, ma al à votât dome il 44% di chei che a podevin fâlu (Dree Venier, Benvignûts ai amîs cravuats te Union Europeane, purtrop in chê de economie e no chê dai popui)
  8. s.f. [TS] ling. peraule te sô forme di base, cemût che si pues cirîle e cjatâle tun dizionarivocabolaris su cjarte che a proferivin dome la jentrade par furlan (Adrian Cescje, Memoriis di politiche linguistiche)
    Sin. peraule, leme
  9. s.f. [TS] eletr. conetôr che par mieç di chel a jentrin i segnâi eletrics intun dispositîf
  10. s.f. [TS] inform. inseriment di dâts e informazions te memorie di un ordenadôr eletronic
    Sin. input
Proverbis:
  • cui che al vîf di jentrade le fâs stentade
  • in panade gratade si po mangjâ la jentrade
  • ogni cjamp la sô jentrade
  • vite di jentrade, vite disperade
  • vite di jentrade, vite stentade