jentrâ  jen|trâ  [FO]

  1. v.intr. passâ dal fûr al dentrisubit lu fasevin jentrâ in cusine, a fasevin vulintîr cuatri cjacaris cun lui (Pieri Somede dai Marcs, Fra Silvio); un ventesel zentîl al jentre te cjamare (Arturo Feruglio, Viaç a Vignesie); il pic a ogni colp nol jentre plui insot di un dêt (Ivano Urli, Storie di Min); Cualchidun al veve tucât te puarte. «Che al jentri!...» a disin ducj i doi e la puarte si vierç planchin planchin (Pieri Menis, Sflamiadis)
    Sin. lâ dentri, vignî dentri
    Var. entrâ
    1. di cdn. o di alc, rivâ intun teritori par vie di une imigrazion, invasion, importazion e v.i.Tal 1731 a jentravin in Friûl 399 balis di lin pe lavorazion (Adrian Cescje, Liniis di storie sociâl e economiche dal Friûl 1500 – 1800)
  2. v.intr. (fig.) di sensazion fisiche o psicologjiche, fâsi sintî ben insotchel frêt sutîl che al jentrave par dutis lis comissuris (Pieri Menis, Il «pigjama»); incens brusât che al spandeve ancjemò chel so profum cussì vîf e gradevul, che al jentrave fin ta la anime (Pieri Menis, Chei di Muraie)
    Sin. lâ indentri, lâ insot
  3. v.intr. rivâ a stâ o a passâ intun ciert spazio ai metût sù cualchi chilo e no jentri plui tai bregons
    Sin. stâ dentri, stâ
    1. di vistît, jessi avonde grantchestis scarpis no mi jentrin, mi covente un numar in plui
    2. di un numar, rivâ a stâ dentri, spec. just e une cierte cuantitât di voltis, intun altri numar plui grantil doi al jentre cuatri voltis tal vot
  4. v.intr. scomençâ a jessi intune cierte dade di timpchest an che o sin jentrâts, par ben che e vadi, al lassarà chel timp che al à cjatât (Josef Marchet, Preambul rusin)
    1. di dade di timp, scomençâ o jessi li li par scomençâi vevi ancje dite che la setemane che e jentrave, no varessin podût incuintrâsi (Gianni Gregoricchio, Trê feminis)
      Sin. vignî, tacâ, scomençâ
  5. v.intr. deventâ membri di un grupgno pari mi à dit che e jere rivade la ore di jentrâ tal Club dal Fogolâr (Christian Romanin, Interviste a Sandra Pizzolitto Pupatello)
  6. v.intr. lâ a fâ un percors di istruzion o un tratament terapeutic, spec. lunc, ancje intune struture dulà che a tegnin a stâil prossim Autun Pinute e veve di jentrâ in colegjo (Pieri Menis, Chei di Muraie); il timp al passave, e jere tornade la ore di jentrâ in seminari (Alan Brusini, Par stradis lungjis); al jere jentrât tal ospedâl che a semenavin il sorc, e al jere saltât fûr, poiât ae cruchie, che a sclofavin (Maria Forte, Cjase di Dalban)
    Sin. , lâ dentri
  7. v.intr. cjatâsi, lâ intune cundizion gnovedoi mês dopo la Italie e jentrà in vuere (Gianni Gregoricchio, Trê feminis)
    Sin.
    1. otignî un puest di vore o lâ intun puest di vore gnûfcui no varessial lassât un puest di miedi di un comun spierdût in mieç des monts par jentrâ intun ospedâl di citât dulà che si podeve vuadagnà miârs e miârs di francs al mês (Pieri Somede dai Marcs, O sielç lis stelis)
    2. otignî un puest di rapresentance, spec. politiche, o une incarghe e scomençâ a esercitâ lis sôs funzionsdiviers partîts nazionalitariis e regjonaliscj a concorin aes elezions europeanis e cualchi rapresentant di chescj al rive a jentrâ a Strasburc (Marc Stolf, Corsiche, Scozie, paîs Basc, Catalogne, Friûl... Europe)
    3. tacâ a jessi doprâtune vore di peraulis di stamp todesc a jentrarin in chê volte te lenghe furlane (Josef Marchet, Cuintristorie dal Friûl fin sot la Italie)
  8. v.intr. metisi intune cierte situazion, intun ciert rapuart cun chei altrisil popul al à conservât il so furlan; al è jentrât in relazions economichis e culturâls cun altre int, ma nol à rinunziât ae sô lenghe (Josef Marchet, La fuarce dal nestri lengaç); cul plui lâ des zornadis la femine dal siôr e jentrà in confidence cun Catine (Gianni Gregoricchio, Trê feminis)
    1. tacâ a fevelâ o a vê a ce fâ cun alcnone Lise no jentrà mai tai lôr fats che, aromai si jere usade a tasê (Maria Forte, Cjase di Dalban)
      Sin. impaçâsi, intrigâsi, messedâsi
  9. v.intr. jessi implicât e influî intune situazion, intune ativitât e v.i.[ae nobiltât] i bastave di ricevi il redit che i vignive dai contrats agraris cui contadins, cence impegn di invistiment, cence jentrâ te forme produtive (Adrian Cescje, Liniis di storie sociâl e economiche dal Friûl 1500 – 1800); une concretece che e jentre tal mût di fâ gjornalisim (Oscar Puntel, Interviste a Toni Capuozzo)
    1. jessi cjapât dentri, previodût, vê partil finanziament al interesse la scuele de infanzie e la scuele primarie des istituzions sedi statâls che paritariis; no jentrin, par cumò, lis scuelis secondariis di prin grât (Patrizia Pavatti, La tutele de lenghe furlane a scuele)
  10. v.intr. vê a ce fâ cun alc«E ce jentrial il confin [cu la patrie]!» al rispuint Agnul. «Di cuant incà si puedial dividi lis patriis cuntune stangje! I confins a servissin par dividi lis aministrazions, ven a stâi i stâts, no lis patriis» (Riedo Pup, I furlans e la patrie)
  11. v.intr. jessi capît, acetât, plasêal saveve ancje lui che nol jere il câs di tentâ di vuarîlu [il purcit cul mâl rossin], ma chê di copâlu e di soterâlu tal bosc no i jentrave (Meni Ucel, A marcjât)
  12. v.intr. di bêçs, jessi vuadagnâts o scuedûtstant che compens par cheste funzion, al cjapitani i spietavin i bêçs che a jentravin midiant des penis pecuniariis previodudis dai statûts (Alida Londero, Statûts di Montenârs 1373)
    Sin. rivâ
  13. v.intr. [TS] sport (ancje ass.) tal balon, rivâ a realizâ un intervent cuintri l'aversari che al à il balon"Domenie al tache il campionât: ce crodêso, di jentrâ cussì? Miarde: i vûl jentrât decîs, i vûl! No chel tic e tic, caz: vêso pôre di fâsi mâl? [...]" (Stiefin Morat, Donald dal Tiliment)
    Sin. intervignî
  14. v.intr. [TS] autom. dal mecanisim de marcjefrache ben la frizion, se no la marcje no jentre
Polirematichis e espressions idiomatichis Proverbis:
  • a puarton spalancât il ben al po jentrâ e il mâl al po lâ
  • a Sant Zuan al jentre il most te ue
  • a tignî la bocje sierade, no jentrin lis moscjis
  • al è dibant segnâsi cuant che il diaul al è jentrât
  • cuant che no si po jentrâ pal porton, si jentre pal portel
  • cui che al jentre ultin che al sieri la puarte
  • i gjambars a son bogns in chel mês che al jentre l'ere
  • la caritât a va fûr pal porton e e jentre pal barcon
  • no stâ jentrâ là che no tu sês clamât
  • nol è nissun matrimoni che nol jentri il demoni
  • se no tu sês clamât, no stâ jentrâ